13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Հայաստան – Հունգարիա խաղում կաշխատեն իսպանացի մրցավարներ
11.11.2025 | 15:55
Ֆուտբոլի Հայաստանի և Հունգարիայի ազգային հավաքականների միջև ԱԱ-2026-ի ընտրական մրցաշարի F խմբի 5-րդ տուրի հանդիպումը կսպասարկեն իսպանացի մրցավարներ։
Խաղի գլխավոր մրցավար է նշանակվել Խոսե Մարիա Սանչեսը, որին եզրերում կօգնեն Ռաուլ Կաբանիերոն և Ինյիգո Պրիետոն։ Չորրորդ պաշտոնյան Խուան Մարտինես Մունուերան է, իսկ VAR-ի մրցավարները՝ Կառլոս դել Սերո Գրանդեն ու Վալենտին Գոմեսը, հաղորդում է ՈՒԵՖԱ-ի մամուլի ծառայությունը։
42-ամյա Խոսե Մարիա Սանչեսը 2015 թվականից սպասարկում է Իսպանիայի առաջնության խաղեր։ Նա ՖԻՖԱ-ի մրցավար է 2017 թվականից։
Հայաստան – Հունգարիա հանդիպումը կկայանա նոյեմբերի 13-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21։00-ին։ Այդ խաղից 3 օր անց Եղիշե Մելիքյանի գլխավորած թիմը Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
