09.06.2026 | 11:58
Քննարկվում են վերահաշվարկի դիմումները․ ՈՒՂԻՂ
Չինական նավթավերամշակման խոշոր ընկերությունն առաջիկա ամիսներին ռուսական հում նավթ չի գնի
Քաղաքականություն
11.11.2025 | 16:48
Չինական պետական Yanchang Petroleum ընկերությունը, որը կապված է Չինաստանի Շանսի նահանգային կառավարության հետ, կխուսափի ռուսական նավթից դեկտեմբերից մինչև փետրվարի կեսերն ընկած ժամանակահատվածում մատակարարումների մրցույթում։ Այս մասին Reuters-ին հայտնել են երկու աղբյուրներ, գրում է BBC-ի ռուսական ծառայությունը։
Շանսին, որտեղ գտնվում են Yanchang-ի հիմնական ձեռնարկությունները, ցամաքով շրջապատված հյուսիսային նահանգ է։ Մինչ օրս Yanchang-ը, որը Չինաստանի ներքին հատվածում նավթամթերքի խոշորագույն արտադրողներից մեկն է, ամսական կտրվածքով գնում էր ռուսական նավթի մեկ բեռ։
Ընկերությունը չի արձագանքել Reuters-ի մեկնաբանության հարցմանը։
Այն բանից հետո, երբ ԱՄՆ նախագահ Դոնալդ Թրամփի վարչակազմն առաջին պատժամիջոցներն է սահմանել ռուսական «Լուկոօյլ» և «Ռոսնեֆտ» նավթային ընկերությունների դեմ, Չինաստանում և Հնդկաստանում ռուսական նավթի որոշ խոշոր ներմուծողներ սկսել են ձեռնպահ մնալ ռուսական նավթ գնելուց։
Թարգմանությունը՝ Էմմա Չոբանյանի
