28.04.2026 | 17:17
Վահագն Խաչատուրյանն ընդունել է Էստոնիայի Ռիյգիկոգուի Էստոնիա-Հայաստան խորհրդարանական բարեկամական խմբի անդամներին
Անօդաչու նավակները հարձակվել են Կրասնոդարի երկրամասի Տուապսե նավահանգստի վրա․ ՏԵՍԱՆՅՈՒԹ
Քաղաքականություն
10.11.2025 | 13:52
Ուկրաինական ծովային անօդաչու սարքերը գիշերը հարձակվել են Կրասնոդարի երկրամասի Տուապսե նավահանգստի վրա։ Կրասնոդարի վարչակազմի օպերատիվ շտաբը հայտարարել է, որ Սև ծովում Տուապսեի մոտակայքում «չեզոքացվել» են չորս անօդաչու նավակներ, գրում է BBC-ի ռուսական ծառայությունը։
«Նավակներից մեկը պայթել է ափամերձ գծի մոտ։ Հարվածային ալիքը վնասել է երկհարկանի շենքի երկրորդ հարկի պատուհանները, ավտոտնակը և նավամատույցը»,- ասվում է հայտարարության մեջ։
Supernova+ տելեգրամ ալիքը հրապարակել է ենթադրյալ հարվածի տեսանյութը: Օպերատիվ շտաբը հայտարարել է, որ տուժածներ չկան։
Ուկրաինան դեռևս չի մեկնաբանել հարձակումը։
ՌԴ ՊՆ-ն էլ հայտնում է, որ անցած գիշերվա ընթացքում ՀՕՊ համակարգերը «ոչնչացրել և որսացել են» են 71 ուկրաինական անօդաչու թռչող սարք։ Հաղորդագրության համաձայն՝ Բրյանսկի մարզի վրա խոցվել է 29 անօդաչու թռչող սարք, Կուրսկի մարզի վրա՝ յոթ, Լիպեցկի և Սմոլենսկի՝ հինգական, Օրյոլի, Տվերի և Սամարայի մարզերի վրա՝ չորսական, բռնակցված Ղրիմի վրա՝ երեքական, իսկ Կալուգայի, Ռոստովի և Տուլայի մարզերի վրա՝ մեկական։ Ռուս զինվորականները պնդում են, որ Սև ծովի վրայով խոցել են ևս յոթ անօդաչու թռչող սարք։
Թարգմանությունը՝ Էմմա Չոբանյանի
