29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Ջոկովիչը նվաճել է 101-րդ տիտղոսն ու հրաժարվել Ամփոփիչ մրցաշարին մասնակցելուց․ ՏԵՍԱՆՅՈՒԹ
09.11.2025 | 17:51
«Մեծ սաղավարտի» մրցաշարերի 24-ակի հաղթող, սերբ թենիսիստ Նովակ Ջոկովիչը 101-րդ տիտղոսն է նվաճել կարիերայում։
Աշխարհի 5-րդ ռակետը դարձել է Աթենքի АТР-250 մրցաշարի հաղթող։ Եզրափակիչում 38-ամյա Ջոկովիչը 3 սեթում ուժեղ է գտնվել աշխարհի 9-րդ ռակետ, իտալացի Լորենցո Մուզետիից՝ 4:6, 6:3, 7:5։
Կարիերայում նվաճած տիտղոսների ցուցանիշով Նովակ Ջոկովիչը զիջում է միայն շվեյցարացի Ռոջեր Ֆեդերերին (103 տիտղոս) ու ամերիկացի Ջիմի Քոնորսին (109 տիտղոս)։
Աթենքում հաղթանակից հետո սերբ թենիսիստը հայտարարել է, որ չի մասնակցելու Թուրինում նոյեմբերի 9-16-ին կայանալիք ATP-ի տարվա Ամփոփիչ մրցաշարին, որտեղ նրան կփոխարինի հենց Լորենցո Մուզետին։ Ամփոփիչ մրցաշարում կխաղան նաև Յանիկ Սիները (Իտալիա), Կառլոս Ալկարասը (Իսպանիա), Ալեքսանդր Զվերևը (Գերմանիա), Թեյլոր Ֆրիցը (ԱՄՆ), Բեն Շելթոնը (ԱՄՆ), Ալեքս դե Մինորը (Ավստրալիա) և Ֆելիքս Օժե-Ալյասիմը (Կանադա)։
