07.12.2025 | 17:22
Խաղաղության համաձայնագրի ստորագրումից մեզ 2 կետ է բաժանում․ Թրամփի հատուկ ներկայացուցիչ
Գոռ Հարությունյանը և Արման Ավանեսյանը՝ ԱԱ-ի բրոնզե մեդալակիր
09.11.2025 | 16:17
Նոյեմբերի 7-ից 9-ը Ղրղզստանի մայրաքաղաք Բիշքեկում անց է կացվում Սամբոյի 2025թ աշխարհի առաջնությունը, որին մասնակցում է շուրջ 500 մարզիկ՝ ավելի քան 70 պետությունից։
Հայ մարզիկներից երկուսը նախօրեին արժանացել են բրոնզե մեդալի։ Պատվո հարթակին են կանգնել մարզական սամբոյի 88 կգ քաշային Գոռ Հարությունյանը և մարտական սամբոյի 98 կգ քաշային կարգում հանդես եկող Արման Ավանեսյանը։
Ի դեպ, նոյեմբերի 7-ին կայացել է Սամբոյի միջազգային ֆեդերացիայի հերթական, 37-րդ կոնգրեսը, որի ընթացքում կայացել են նաև ֆեդերացիայի ղեկավար կազմի ընտրությունները և նոր երկրների անդամագրումը։ Այսպիսով՝ FIAS ընտանիքի անդամ են դարձել Նիգերիան, Տոգոն, Մալդիվները, Սամբոյի Կենտրոաֆրիկյան ֆեդերացիան ու Բոսնիայի և Հերցեգովինայի սամբոյի ֆեդերացիայի միությունը։
Սամբոյի միջազգային ֆեդերացիայի գործկոմի կազմում ընտրվել է նաև Հայաստանի սամբոյի ֆեդերացիայի նախագահ Միքայել Հայրապետյանը։
