29.06.2026 | 20:51
«Հարյուրավոր աշխատանքից ազատվածնե՞ր». Նարեկ Կարապետյանի պնդման հետքերով․ ՏԵՍԱՆՅՈւԹ
ՀՀ ԱԳՆ-ն՝ Երևան Ալիևի հնարավոր այցի մասին
Քաղաքականություն
07.11.2025 | 22:14
Հոկտեմբերի 27-ին ԱԺ-ում լրագրողների հետ ճեպազրույցի ժամանակ ՀՀ ԱԳ նախարար Արարատ Միրզոյանը նշել է, որ Ադրբեջանի նախագահին եղել է Եվրոպական քաղաքական համայնքի գագաթնաժողովին մասնակցելու բանավոր հրավեր: Factor.am-ին այս մասին ասաց ԱԳՆ խոսնակ Անի Բադալյանը։
Նրա խոսքով` համապատասխան ժամկետում կհաջորդեն գրավոր հրավերները ԵՔՀ մասնակից բոլոր երկրներին:
Հիշեցնենք, որ Ադրբեջանի ԱԳՆ մամուլի ծառայության ղեկավար Այխան Հաջիզադեն տեղական լրատվամիջոցների հետ զրույցում ասել է, թե Ադրբեջանի նախագահի օգնական Հիքմեթ Հաջիևը, պարզաբանելով նախագահ Իլհամ Ալիևի՝ Երևանում կայանալիք Եվրոպական համայնքի գագաթնաժողովին մասնակցության հարցը, նշել է, որ Ադրբեջանի նախագահը պաշտոնական հրավեր չի ստացել այդ միջոցառմանը մասնակցելու հետ կապված, և Ադրբեջանի մասնակցությունը գագաթնաժողովին ամենաբարձր մակարդակով քիչ հավանական է։
Անի Թամրազյան
