11.09.2026 | 19:54
94 տարեկանում մահացել է Նորվեգիայի արքայադուստրը` եղբոր` Հարալդ թագավորի հուղարկավորությունից 2 օր անց
Վարդան Ղուկասյանի պաշտպանները միջնորդել են դատավորին՝ փոխել նրա խափանման միջոցը
Հասարակություն
07.11.2025 | 16:56
Լիազորությունները կասեցված Գյումրիի քաղաքապետ Վարդան Ղուկասյանի պաշտպանական թիմը միջնորդություն է ներկայացրել դատարան՝ նրա խափանման միջոց կալանքը վերացնելու պահանջով։ Տեղեկությունը Factor.am-ին հայտնեց նրա փաստաբան Զարուհի Փոստանջյանը։
Նրա տեղեկացմամբ՝ Ղուկասյանին այսօր առավոտյան դարձյալ ՔԿՀ են տեղափոխել՝ չնայած առողջական վատ վիճակին։
«Նախ՝ նրա կալանքն ապօրինի է, բացի այդ, առողջական խնդիրներով պայմանավորված՝ կալանքը պիտի վերացվի։ Զուգահեռ գոյություն ունի նաև այլընտրանքային խափանման միջոց՝ պաշտոնավարման կասեցում և բացակայելու արգելք, որը բացառում է կալանքը»,- նշեց Փոստանջյանը։
Նախօրեին Զարուհի Փոստանջյանը տեղեկացրել էր, որ կտրուկ վատացել է Երևանի «Կենտրոն» քրեակատարողական հիմնարկում գտնվող Գյումրիի քաղաքապետ Վարդան Ղուկասյանի առողջական վիճակը և վերջինը տեղափոխվել է «Սուրբ Գրիգոր Լուսավորիչ» բժշկական կենտրոն։
Վարդան Ղուկասյանը Գյումրիի քաղաքապետարանում խուզարկություններից հետո նախ՝ ձերբակալվեց, իսկ հոկտեմբերի 21-ին երկու ամսով կալանավորվեց։ Ղուկասյանն ու քաղաքապետարանի այլ աշխատակիցներ մեղադրվում են մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Վարդան Ղուկասյանը մեղադրանքը չի ընդունում։
Արփի Հակոբյան
