05.12.2025 | 18:41
Պայթեցրել է կնոջն ու ինքնասպան եղել․ կինը մինչ այդ 7 անգամ դիմել էր իրավապահներին
ՌԴ-ում և Ուկրաինայում ձեռք բերած ստաժի համար զինվորական կենսաթոշակ չի նշանակվի․ ՏԵՍԱՆՅՈՒԹ
Հասարակություն
07.11.2025 | 14:04
ՌԴ-ում և Ուկրաինայում ձեռք բերած ստաժի համար Հայաստանում զինվորական կենսաթոշակ այլևս չի նշանակվի: Այս մասին հայտնել է ՀՀ աշխատանքի և սոցիալական հարցերի նախարարության ներկայացուցիչ Անահիտ Գալստյանը։
«Զինվորական կենսաթոշակների դեպքում ՀՀ-ն անդամակցում է ԱՊՀ երկրների շրջանակներում կնքված համապատասխան պայմանագրերին: Իսկ Ռուսաստանը և Ուկրաինան դուրս են եկել այդ պայմանագրերից»,- ասել է Գակստյանը:
Անահիտ Գալստյանի խոսքով՝ նախկինում, մինչև երկու երկրների՝ պայմանագրերից դուրս գալը, գործում էր ընդհանուր կանոն։
«Ենթադրենք՝ մեր զինծառայողը գնա և բնակվի Ռուսաստանում, ապա Ռուսաստանը վճարելու էր նաև Հայաստանի Հանրապետության և ԽՍՀՄ ժամանակահատվածի զինվորական ծառայության համար: Մենք Ռուսաստանի, Ուկրաինայի ստաժի համար նշանակում էինք զինվորական կենսաթոշակ»,- նշել է Գալստյանը՝ հավելելով, որ այլևս որևէ պարտավորություն չկա այդ պետությունների տարածքում ծառայած զինվորական ծառայության ստաժի համար Հայաստանի Հանրապետությունում կենսաթոշակ նշանակել:
Մանրամասները՝ տեսանյութում։
