06.04.2026 | 13:50
ՀԱՊԿ-ը պետք է շատ զգույշ և կոռեկտ լինի Հայաստանի հետ իր աշխատանքում. Լուկաշենկո
ՄԻՊ Անահաիտ Մանասյանը հանդիպել է ՄԻԵԴ նախագահ Մատիաս Գիյոմարի հետ
Հասարակություն
07.11.2025 | 12:23
Աշխատանքային այցով Ստրասբուրգում գտնվող ՄԻՊ Անահաիտ Մանասյանը նոյեմբերի 6-ին հանդիպում է ունեցել Մարդու իրավունքների եվրոպական դատարանի նախագահ Մատիաս Գիյոմարի հետ։ Ի թիվս այլ հարցերի, քննարկվել են ՄԻԵԴ վճիռների կատարման հետ կապված հարցեր․ հայտնում են ՄԻՊ աշխատակազմից։
Նշվում է, որ հանդիպմանը ներկա են եղել նաև ՄԻԵԴ դատավոր Վահե Գրիգորյանը և Դատարանի քարտուղարի տեղակալ Աբել Կամպոսը:
«Քննարկվել են Մարդու իրավունքների պաշտպանի և Մարդու իրավունքների եվրոպական դատարանի համագործակցության, ՄԻԵԴ վճիռների կատարման հետ կապված հարցերը, ազգային մակարդակում մարդու իրավունքների ոլորտում առկա հիմնական խնդիրները, ինչպես նաև իրավունքների պաշտպանության արդյունավետության բարձրացման ուղիները։
Կողմերը մտքեր են փոխանակել նաև մարդու իրավունքներին և իրավունքների պաշտպանությամբ զբաղվող հաստատություններին առնչվող ժամանակակից մարտահրավերների շուրջ։
Զրուցակիցները վերահաստատել են հանձնառությունը` շարունակելու համագործակցությունը` նպատակ ունենալով ակտիվացնել երկխոսությունը և ամրապնդել մարդու իրավունքների պաշտպանության համակարգերը»,- ասված է հաղորդագրությունում։
