16.09.2026 | 22:48
Հայաստանի մի շարք հասցեներում գազանջատումներ կլինեն
ՊԵԿ նախկին նախագահ Վարդան Հարությունյանը կալանքից ազատ է արձակվել. կիրառվել է տնային կալանք
Հասարակություն
07.11.2025 | 10:27
ՊԵԿ նախկին նախագահ Վարդան Հարությունյանի խափանման միջոց կալանքը փոխվել է. Հակակոռուպցիոն դատարանը որոշում է կայացրել նրա նկատմամբ կիրառել երկամսյա տնային կալանք։ Այս մասին Factor TV-ին հայտնեցին Դատական դեպարտամենտից։
Հիշեցնենք՝ Վարդան Հարությունյանը կալանավորվել էր օգոստոսի 8-ին, նրան մեղադրում են ձեռնարկատիրական գործունեությանն ապօրինի մասնակցության, հակամրցակցային գործունեության և փողերի լվացման մեջ։
Հարությունյանը մեղադրանքը չի ընդունում, նրա պաշտպանները պարբերաբար հայտարարություն են տարածում, որ իրավապահ մարմինները փորձում են «վերակենդանացնել» գործը՝ արդեն իսկ կարճված վարույթի նյութերի հիման վրա։
«Մեղադրանքի հիմքում դրված բոլոր հանգամանքները նախկինում արդեն իսկ ստուգվել են և քննությունն ավարտվել է վարույթի կարճմամբ»,- ընդգծում են փաստաբանները։
Նշենք, որ Վարդան Հարությունյանը 2014-2016 թվականներին եղել է «Գազպրոմ Արմենիա» ՓԲԸ վարչության նախագահ-գլխավոր տնօրենը, ընկերության տնօրենների խորհրդի անդամ, վարչության անդամ, 2016-2018-ին՝ Պետական եկամուտների կոմիտեի նախագահ:
Ռոզա Վարդանյան
