12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Պուտինը իր 24 ազգականի նշանակել է պետական պաշտոններում. «Проект»
Քաղաքականություն
06.11.2025 | 21:30
Ռուսաստանի նախագահ Վլադիմիր Պուտինն իր առնվազն 24 ազգականների օգնել է բարձր պետական պաշտոններ ստանալ։ Այս մասին գրում է «Проект» նախագիծը, փոխանցում է Meduza-ն։
Լրագրողների տվյալներով՝ Պուտինի դուստրերի՝ Մարիա Վորոնցովայի և Կատերինա Տիխոնովայի, նախագահի զարմիկների՝ Եվգենի և Իգոր Պուտինների, ինչպես նաև զարմուհիների՝ Լյուբով Շելոմովայի և Լյուբով Կրուգլովայի ընտանիքները ստացել են պետության հետ կապված եկամուտ։ Բացի այդ, պետական պաշտոններում նշանակվել են «Պուտինի բոլոր չորս հայտնի սիրեցյալների»՝ նրա նախկին կնոջ՝ Լյուդմիլա Օչերետնայայի, Ալինա Կաբաևայի, Սվետլանա Կրիվոնոգիխի և Ալիսա Խարչևայի ընտանիքների անդամները։
Ամենահեղինակավոր պաշտոնները զբաղեցրել են ՌԴ նախագահի եղբոր՝ Եվգենի Պուտինի ազգականները։
Աննա Ցիվիլևան (Եվգենի Պուտինի դուստրը) պաշտպանության փոխնախարարն է, իսկ նրա ամուսինը՝ Սերգեյ Ցիվիլևը, էներգետիկայի նախարարը։ Աննա Ցիվիլևայի եղբայրը՝ Միխայիլ Պուտինը, բարձր պաշտոն է զբաղեցնում «Գազպրոմ»-ում։
«Проект»-ը գրում է, որ Պուտինը, հավանաբար, ռեկորդ է սահմանել ռուս ղեկավարների շրջանում՝ պետական պաշտոններում նշանակված ազգականների թվով, առնվազն Ռոմանովների դինաստիայից ի վեր։
Նշվում է, որ նախագահ Բորիս Ելցինը բարձր պաշտոններում նշանակել է իր ազգականներից ոչ ավելի, քան հինգին։
Թարգմանությունը՝ Էմմա Չոբանյանի
