14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Բաքուն հայ ծանրորդի դեմ բողոք է ներկայացրել եվրոպական ֆեդերացիա
06.11.2025 | 21:54
Ադրբեջանի ծանրամարտի ֆեդերացիան պաշտոնապես դիմել է Եվրոպայի ծանրամարտի ֆեդերացիային (EWF)՝ Ալբանիայի Դուրրես քաղաքում կայացած Եվրոպայի առաջնությունում Հայաստանի ներկայացուցիչ Նարեկ Մկրտչյանի կողմից, իբր, իրականացված սադրանքի վերաբերյալ։ Այս մասին ադրբեջանական լրատվամիջոցների հետ զրույցում ասել է Ադրբեջանի ֆեդերացիայի փոխնախագահ Ֆիրդովսի Ումուդովը։
«Մենք հրահանգել ենք մեր մարզիկներին չտրվել նման սադրանքներին, և նրանք ավելի հանգիստ արձագանքեցին Հայաստանի ներկայացուցչի գործողություններին: Հայաստանի ծանրամարտի ֆեդերացիայի ղեկավարությունը ներողություն խնդրեց մեզանից: Այնուամենայնիվ, մեր բողոքը հայտնել ենք մրցույթի կազմկոմիտեին և Եվրոպայի ծանրամարտի ֆեդերացիային: Երբ խոսքը վերաբերում է ազգային խորհրդանիշին, մենք չենք կարող զիջումների գնալ: Ադրբեջանի ծանրամարտի ֆեդերացիայի նախագահ Քամրան Նաբիզադեն նույնպես արտահայտել է իր դիրքորոշումը այս հարցի վերաբերյալ: Ֆեդերացիայի անունից պաշտոնական դիմում է ուղարկվել միջազգային կազմակերպությանը: Մենք հույս ունենք, որ այս հարցն արդարացիորեն կքննարկվի»,- ասել է նա։
Նշվում է, թե հայ ծանրորդը, իբր, ոչ էթիկական վարքագիծ է դրսևորել ամբիոնին՝ ադրբեջանցի մարզիկ Ռավին Ալմամեդովի պատվին Ադրբեջանի պետական օրհներգը հնչելու ժամանակ։ Չի հաղորդվում, թե կոնկրետ ինչ է տեղի ունեցել։
Factor TV-ն մեկնաբանության խնդրանքով դիմել է Հայաստանի Ծանրամարտի ֆեդերացիային։ Պատասխանը կներկայացնենք ստանալուն պես։
Թարգմանությունը՝ Էմմա Չոբանյանի
