19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
Արտյոմ Բանդիկյան․ Շատ երկար էի սպասում Հայաստանի հավաքական հրավիրվելուն
06.11.2025 | 11:09
Մոսկվայի ԲԿՄԱ-ի պաշտպան Արտյոմ Բանդիկյանն առաջին անգամ Հայաստանի ազգային հավաքական հրավիրվելուց հետո պատմել է տպավորությունների մասին։
«Հայաստանի հավաքականում հանդես գալը մեծ պատիվ ու hպարտություն է ինձ համար։ Շատ ուրախ էի հրավերի առթիվ, շատ երկար էի սպասում դրան։
Զրուցել եմ գլխավոր մարզիչ Եղիշե Մելիքյանի հետ։ Ամեն բան չեմ պատմի։ Նա ասաց, որ ինձ հրավիրել է, որպեսզի հարմարվեմ թիմին և ընկերանամ տղաների հետ։
Նախկինում 2-3 օր եղել եմ հավաքականի ճամբարում։ Կհասկանամ այն սկզբունքները, որոնք ինձանից պահանջում են, և կփորձեմ անել ամեն ինչ՝ Հայաստանի հավաքականին օգտակար լինելու համար»,- 20-ամյա ֆուտբոլիստի խոսքը մեջբերում է Metaratings-ը։
Հիշեցնենք, որ Արտյոմ Բանդիկյանը խաղացել է Հայաստանի Մ19 ու Մ21 հավաքականներում։ Նա ԲԿՄԱ-ի սան է։ Ընթացիկ մրցաշրջանում եզրային պաշտպանը մոսկովյան ակումբի կազմում անցկացրել է 12 հանդիպում ու կատարել 2 գոլային փոխանցում։
ԱԱ-2026-ի ընտրական փուլում Հայաստանի հավաքականը նոյեմբերի 13-ին Վազգեն Սարգսյանի անվան «Հանրապետական» մարզադաշտում կընդունի հունգարացիներին, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։
