11.09.2026 | 22:15
Նոր կենսաչափական անձնագրերով սահմանային ստուգումը կտևի վայրկյաններ․ ՆԳ նախարար
Չեմպիոնների լիգա. «Ինտերի» հաղթանակն ու «Բարսելոնայի» մարտական ոչ-ոքին. ՏԵՍԱՆՅՈՒԹ
06.11.2025 | 10:48
Չեմպիոնների լիգայում ավարտվել է չորրորդ տուրը։
Կատալոնական «Բարսելոնան» հյուրընկալվելիս մարտական ոչ-ոքի է խաղացել բելգիական «Բրյուգեի» հետ՝ 3:3։ Իսպանիայի չեմպիոնի կազմում աչքի են ընկել Ֆերան Տորեսն ու Լամին Յամալը, մեկ անգամ էլ մրցակիցը գրավել է սեփական դարպասը։
Իտալական «Ինտերը» Լաուտարո Մարտինեսի ու Կառլոս Աուգուստոյի գոլերի օգնությամբ 2։1 հաշվով տնային հաղթանակ է տարել ղազախական «Կայրաթի» նկատմամբ։ Հայաստանի ազգային հավաքականի նախկին ավագ Հենրիխ Մխիթարյանը վնասվածքի պատճառով բացակայում էր «Ինտերի» հայտացուցակից։
Անգլիական «Մանչեսթեր Սիթին» սեփական խաղադաշտում 4:1 հաշվով վստահ հաղթել է Դորտմունդի «Բորուսիային»։ Դաշտի տերերից դուբլ է գրանցել անգլիացի կիսապաշտպան Ֆիլ Ֆոդենը, մեկական գոլ են խփել Էրլինգ Հոլանդն ու Ռայան Շերկին։ Գերմանական ակումբի հեղինակության գոլը խփել է Վալդեմար Անտոնը։
Լիգայի փուլի չորրորդ տուրից հետո 12-ական միավորով մրցաշարային աղյուսակը գլխավորում են Մյունխենի «Բավարիան», Լոնդոնի «Արսենալը» և Միլանի «Ինտերը»։
