14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Հայաստանը Կիպրոսում ռազմական կցորդ կունենա
Քաղաքականություն
05.11.2025 | 22:12
ՀՀ վարչապետ Նիկոլ Փաշինյանը որոշում է ստորագրել, ըստ որի՝ Հայաստանը Կիպրոսում ռազմական կցորդ կունենա:
«Հիմք ընդունելով «Դիվանագիտական ծառայության մասին» Հայաստանի Հանրապետության օրենքի 10-րդ հոդվածի 8-րդ մասը`
1. Սահմանել Կիպրոսի Հանրապետությունում Հայաստանի Հանրապետության դեսպանությանը կից Հայաստանի Հանրապետության ռազմական կցորդի հաստիք»,- ասվում է որոշման մեջ:
Հիշեցնենք՝ որոշումն ընդունվել է ՀՀ կառավարության հոկտեմբերի 30-ի նիստում։
«Երկու պաշտպանական գերատեսչություններն առավել սերտ համագործակցում են ինչպես ժողովրդավարական արժեքների, մարդու իրավունքների, կառավարման և օրենքի գերակայության ոլորտներում, այնպես էլ փոխգործակցությունն ընդգրկում է հրահանգիչների պատրաստության, խաղաղապահության, կին զինծառայողների իրավունքների պաշտպանության, զինված ուժերում քաղաքացիական վերահսկողության ոլորտները: Համեմատաբար նոր ուղղություններ են ներքին աուդիտի և հակակոռուպցիոն մեխանիզմների ներդրման ոլորտներում փորձի փոխանակումը, պարբերաբար անցկացվող պաշտպանական ռազմավարական և ռազմաքաղաքական խորհրդակցությունները»,- ասված էր հիմնավորման մեջ:
