30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Բայրամովը ԵՄ ներկայացուցչի հետ Հայաստան-Ադրբեջան կարգավորման գործընթացն է քննարկել
Քաղաքականություն
05.11.2025 | 20:26
Ադրբեջանի արտաքին գործերի նախարար Ջեյհուն Բայրամովն ընդունել է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Մագդալենա Գրոնոյին։ Ադրբեջանական կողմի հաղորդմամբ՝ հանդիպման ընթացքում քննարկվել են Ադրբեջանի և Եվրամիության միջև համագործակցության ներկա վիճակը և հեռանկարները, Ադրբեջանի և Հայաստանի միջև հարաբերությունների կարգավորման գործընթացը, ինչպես նաև տարածաշրջանային և միջազգային հարցեր:
Գրոնոն հայտնել է ԵՄ-ի պատրաստակամությունը՝ աջակցելու Վաշինգտոնի գագաթնաժողովում ձեռք բերված նվաճումներին։
Բայրամովը, իր հերթին, տեղեկացրել է Ադրբեջանի և Հայաստանի միջև հարաբերությունների կարգավորման գործընթացում և խաղաղության բանակցություններում ձեռք բերված առաջընթացի և հեռանկարների մասին, ինչպես նաև փոխանցել Ադրբեջանի դիրքորոշումը։
Բացի այդ, քննարկվել են Ադրբեջանի ու ԵՄ-ի միջև քաղաքական, տնտեսական, տրանսպորտային, էներգետիկ և այլ ոլորտներում համագործակցության հարցերը։ Նշվել է Ադրբեջանի և Եվրամիության միջև համագործակցության հարթակների և գործիքների շուրջ բանակցությունների կարևորությունը։
Կողմերն ընդգծել են իրենց գոհունակությունը վերջին ամիսներին տեղի ունեցած շփումների և երկխոսությունների բարձր մակարդակից։
Թարգմանությունը՝ Էմմա Չոբանյանի
