09.06.2026 | 15:28
ՀՀ-ն հույսը պետք է դնի իր ՀՕՊ-ի վրա. Ասրյանը` ՌԴ-ի հետ միացյալ պաշտպանությունից դուրս գալու մասին․ ՏԵՍԱՆՅՈՒԹ
ԱՄՆ-ը փորձարկել է Minuteman III միջմայրցամաքային բալիստիկ հրթիռը, որը կարող է միջուկային լիցք կրել
Քաղաքականություն
05.11.2025 | 20:37
Միացյալ Նահանգները փորձարկել է միջմայրցամաքային բալիստիկ Minuteman III հրթիռը, որը կարող է կրել միջուկային լիցք, գրում է Current time-ը։
ԱՄՆ զինված ուժերը Քալիֆորնիայի Վանդենբերգի ռազմաօդային բազայից իրականացրել են առանց մարտագլխիկի հրթիռի փորձարկում, հայտնել է ԱՄՆ տիեզերական ուժերի հրամանատարությունը։
«GT 254 անվանումով փորձարկման ընթացքում գնահատվել է միջմայրցամաքային բալիստիկ հրթիռային համակարգի ներկա հուսալիությունը, պատրաստվածությունը և ճշգրտությունը, որը Ամերիկայի ազգային պաշտպանության անկյունաքարն է»,- ասվում է հայտարարության մեջ։
Հրթիռը թռել է մոտավորապես 4,200 մղոն (6,800 կմ): Minuteman III հրթիռի ընդհանուր թռիչքի հեռավորությունը մոտավորապես 9,500 կիլոմետր է:
Այս հրթիռի արձակումը տեղի է ունենում մեկ շաբաթ անց այն բանից, երբ Դոնալդ Թրամփը հայտարարել էր, որ Միացյալ Նահանգներն «անմիջապես» կսկսի միջուկային զենքի փորձարկումներ։ Այս հրթիռի արձակումը Թրամփի կողմից հայտարարված փորձարկումներից չէ։
Թարգմանությունը՝ Էմմա Չոբանյանի
