03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Մերձավանում սպանություններից հետո Ախտոյանները հեռացել են համայնքից
Հասարակություն
05.11.2025 | 16:50
Մերձավանում տեղի ունեցած սպանություններից հետո տեղեկություններ են շրջանառվում, որ Ախտոյանների ընտանիքը հեռացել է համայնքից։ Այս տեղեկությունների վերաբերյալ ՔԿ խոսնակ Կիմա Ավդալյանը Factor.am-ին փոխանցեց, որ քրեական վարույթի նախաքննության ընթացքում կիրառվել է անվտանգության միջոց:
Անվտանգության տեսակի հետ կապված կառույցը մեկնաբանություն չի տալիս։
Թեմայի շուրջ փորձեցինք պարզաբանում ստանալ Փարաքարի ավագանու ՔՊ-ական անդամ Դավիթ Ախտոյանից։ Նա լսեց հարցը, սակայն առաջարկեց հետո զանգահարել։
Հիշեցնենք՝ սեպտեմբերի 23-ի ուշ երեկոյան Մերձավանում սպանվել են Փարաքար համայնքի ղեկավար Վալոդյա Գրիգորյանը և ՀՀ ոստիկանության քրեական հետախուզության գլխավոր վարչության օպերլիազոր Կարեն Աբրահամյանը։ Ավելի ուշ պարզվեց, որ Գրիգորյանի սպանության գործով մեղադրվում է Նարեկ Օհանյանը։ Նա փետրվարին Մերձավանում սպանված Գրիգոր Օհանյանի եղբայրն է։ Օհանյան եղբայրներն Ախտոյանների ազգականներն են։ Վալոդյա Գրիգորյանի սպանությունից հետո ստորագրահավաք էր նախաձեռնվել, որ Ախտոյաններին վտարեն Մերձավանից։ Այժմ պարզ չէ՝ արդյո՞ք Ախտոյաններն այս ստորագրահավաքի պատճառով են լքել գյուղը։
Նարեկ Կիրակոսյան
