12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
«Արսենալի» 15-ամյա ֆուտբոլիստը տարիքային ռեկորդ է գրանցել Չեմպիոնների լիգայում
05.11.2025 | 17:12
Լոնդոնի «Արսենալի» կիսապաշտպան Մաքս Դաումանը դարձել է Չեմպիոնների լիգայում խաղացած ամենաերիտասարդ ֆուտբոլիստը պատմության մեջ, հաղորդում է ակումբի մամուլի ծառայությունը:
Չեխական «Սլավիայի» դեմ Լիգայի փուլի չորրորդ տուրի հաղթական խաղում (3:0) անգլիացին փոխարինման է դուրս եկել 73-րդ րոպեին։ Նա տարիքային ռեկորդ է սահմանել 15 տարեկան 308 օրականում։
Չեմպիոնների լիգայի նախորդ տարիքային ռեկորդը պատկանում էր Դորտմունդի «Բորուսիայի» գերմանացի հարձակվող Յուսուֆա Մուկոկոյին, որը 16 տարեկան 18 օրականում էր նորամուտը նշել գլխավոր եվրագավաթում: Այդ ցանկում Դաումանին ու Մուկոկոյին հաջորդում է կատալոնական «Բարսելոնայի» և Իսպանիայի հավաքականի եզրային հարձակվող Լամին Յամալը, որը Չեմպիոնների լիգայում առաջին խաղն անցկացրել է 16 տարեկան 68 օրականում։
