31.10.2026 | 22:35
Հայաստանի ներկայացուցիչ Ալինա Չարաևան դուրս եկավ եզրափակիչ
Հունվարին հայ-թուրքական սահմանը կբացվի 3-րդ երկրների քաղաքացիների համար, եթե Ալիևը «ոչ» չասի. Փայլան․ ՏԵՍԱՆՅՈՒԹ
Քաղաքականություն
05.11.2025 | 13:31
«Կարծում եմ՝ հունվարին կամ փետրվարին շատ լավ զարգացումներ կարող ենք տեսնել։ Եթե ամեն ինչ լավ գնա, սահմանի բացումը հունվարին կամ փետրվարին երրորդ երկրների քաղաքացիների համար է լինելու, դրանից հետո, հուսամ, մի քանի ամսվա ընթացքում Թուրքիայի և Հայաստանի քաղաքացիներն էլ կկարողանան սահմանը հատել»,- Երևանում լրագրողների հետ զրույցում հայտարարել է Թուրքիայի խորհրդարանի հայազգի նախկին պատգամավոր Կարո Փայլանը։
Նա հավելել է՝ հայ-թուրքական հարաբերությունների ապագան փայլուն է տեսնում։
Փայլանը նշել է, թե Թուրքիան հիմա ուզում է առաջ շարժվել․ այդպիսի որոշում կա Անկարայում։ Ամենամեծ արգելքը, ըստ նրա, այն է, որ Ադրբեջանը և Թուրքիան միևնույն քաղաքականությունն են վարում․ Ադրբեջանը կարող էր խոչընդոտներ ստեղծել Հայաստան-Թուրքիա հարաբերություններում, Թուրքիան՝ Հայաստան-Ադրբեջան հարաբերություններում։
«Հիմա այս երկուսը միասին են ընթանում, և այս ամիսները շատ որոշիչ կլինեն թե՛ Թուրքիա-Հայաստան, թե՛ Հայաստան-Ադրբեջան կարգավորման համար։ Եթե արևմտյան երկրներն էլ մի քիչ օգնեն՝ Թուրքիային և Ալիևին համոզելու համար, ապա ամեն ինչ կարող է առաջ շարժվել»,- ասել է նա։
Փայլանն ընդգծել է՝ հունվարին հայ-թուրքական սահմանը կբացվի 3-րդ երկրների քաղաքացիների համար, եթե Ալիևը «ո՛չ» չասի։
Մանրամասները՝ տեսանյութում։
Եվգենյա Համբարձումյան
