30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Սեուլը պնդում է, որ Հյուսիսային Կորեան ևս 5000 զինվորի է ուղարկել Ռուսաստան
Քաղաքականություն
05.11.2025 | 16:07
5,000 հյուսիսկորեացի զինվորներ են ուղարկվել Ռուսաստան՝ մասնակցելու «ենթակառուցվածքների վերականգնմանը»։ Այս մասին հաղորդել է Հարավային Կորեայի Yonhap գործակալությունը՝ հղում անելով խորհրդարանական հետախուզության հանձնաժողովին, գրում է DW-ի ռուսական ծառայությունը։
«Սեպտեմբերից ի վեր մոտավորապես 5000 հյուսիսկորեացի զինվորական շինարարներ աստիճանաբար տեղափոխվել են Ռուսաստան և, ինչպես սպասվում է, կմասնակցեն ենթակառուցվածքների վերականգնմանը»,- հայտարարել է օրենսդիր Լի Սոնգ-Գվոնը։
Նա հավելել է, որ Սեուլը նաև արձանագրում է «անձնակազմի վերապատրաստման և ընտրության շարունակական նշաններ՝ Ռուսաստան զորքերի հետագա տեղակայման նախապատրաստման համար»։
Հարավկորեական հետախուզության տվյալներով՝ ռուս-ուկրաինական սահմանային գոտում ներկայումս տեղակայված է մոտ 10,000 հյուսիսկորեացի զինվոր, մինչդեռ ևս 1,000 հյուսիսկորեացի սակրավորներ զբաղվում են ականազերծմամբ։ Պատգամավորը հավելել է, որ Ուկրաինայի դեմ Ռուսաստանի պատերազմում զոհվել է առնվազն 600 հյուսիսկորեացի զինվոր։
Ավելի վաղ Հարավային Կորեայի Ազգային հետախուզական ծառայությունը գնահատել էր, որ Հյուսիսային Կորեան կորցրել է մոտ 2000 զինվորական, որոնք ուղարկվել էին Ռուսաստան՝պատերազմին մասնակցելու համար։
AFP-ի հաղորդմամբ՝ 2024 թվականի հոկտեմբերից ի վեր Հյուսիսային Կորեան, բացի զորքերից, Ռուսաստանին է ուղարկել զենք, այդ թվում՝ հրետանային արկեր, հրթիռներ և հեռահար հրթիռային համակարգեր։
