12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Ալեքսանդր Կովալենկոն դեմ չէ միանալ Հայաստանի հավաքականին
05.11.2025 | 12:42
Ռուսական «Սոչիի» կիսապաշտպան Ալեքսանդր Կովալենկոն դեմ չէ փոխել մարզական քաղաքացիությունը և ներկայացնել Հայաստանը։ Այժմ բանակցություններ են ընթանում այդ հարցով, հաղորդում է «РИА Новости»-ն:
Եթե կողմերը համաձայնության գան, 22-ամյա ֆուտբոլիստը Հայաստանի ազգային հավաքականին կարող է միանալ 2026 թվականին։
Ալեքսանդր Կովալենկոն այս տարի է համալրել «Սոչին», որի կազմում ընթացիկ մրցաշրջանում մասնակցել է 14 հանդիպման։ Նախկինում խաղացել է նաև ռուսական «Չերտանովոյում», «Կռիլյա Սովետովում», «Զենիթում» և «Օրենբուրգում»։ 2022 թվականին Կովալենկոն 1 ընկերական հանդիպման է մասնակցել Ռուսաստանի ազգային հավաքականի կազմում: Transfermarkt-ը նրա տրանսֆերային արժեքը գնահատում է 1,5 միլիոն եվրո։
Հիշեցնենք, որ Կովալենկոն «Արարատ 73»-ի լեգենդար ֆուտբոլիստ Ալեքսանդր Կովալենկոյի թոռն է:
