14.09.2026 | 15:30
Ռուբեն Ռուբինյանն ու Էստոնիայի դեսպանը քննարկել են ՀՀ–ԵՄ օրակարգն ու միջխորհրդարանական կապերի զարգացումը
Կան միտումնավոր մանիպուլյացիաներ, որոնք ուղղորդված են այլ աշխարհաքաղաքական կենտրոնների կողմից․ ԱԳՆ․ ՏԵՍԱՆՅՈՒԹ
Քաղաքականություն
05.11.2025 | 10:48
ԱԳ նախարար Արարատ Միրզոյանի համոզմամբ՝ խաղաղության համար կա մի երաշխիք և դա երրորդ երկիրը չէ, խաղաղապահները չեն, այլ այն է, որ այն համաձայնագրերը, որոնք ստորագրվում են, ձեռնտու են և՛ Հայաստանին, և՛ Ադրբեջանին, և՛ տարածաշրջանի մյուս երկրներին։ Այս մասին նա հայտարարել է «Խաղաղության քվիզ. զրույց ՀՀ արտաքին գործերի նախարարի հետ» խորագրով՝ «Օրբելի» վերլուծական կենտրոնի կազմակերպած համաժողովի ընթացքում։
Նրա խոսքով՝ պայմանավորվածությունների կատարումը կարևորագույն հարցերից է։ Մինչ խաղաղության պայմանագրի և վաշինգտոնյան հռչակագրի ու ստորագրված և վավերացված մյուս փաստաթղթերի տեքստի հրապարակումը, դրանց շուրջ կառուցվում են դավադրապաշտական գաղափարներ, մանիպուլյացիաներ, հաճախ միտումնավոր, ներքաղաքական նպատակներով, կամ արտասահմանյան կենտրոններից՝ խաղաղ գործընթացին խոչընդոտելու համար։
«Գործընթացի որոշակի պահին, երբ մարդիկ կարող են պարզապես կարդալ, ամեն ինչ գոլորշիանում է և մնում է հարցը՝ ո՞րն է երաշխիքը, որ ամեն ինչ կգործի»,- նշել է նախարարը։
Մանրամասները՝ տեսանյութում։
Եվգենյա Համբարձումյան
