30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
ԱՄՆ-ում վառելիքով բեռնված բեռնատար ինքնաթիռ է կործանվել․ առնվազն 7 զոհ կա․ ՏԵՍԱՆՅՈՒԹ
Քաղաքականություն
05.11.2025 | 11:18
ԱՄՆ Կենտուկի նահանգի Լուիսվիլ քաղաքում թռիչքից կարճ ժամանակ անց կործանվել է UPS MD-11 տրանսպորտային օդանավը։ Այն ուղևորվում էր Հոնոլուլու։ Ներկայում հայտնի է 7 զոհի մասին, թվում՝ անձնակազմի երեք անդամ։ Եվս 11 մարդ վիրավորվել է, գրում է BBC-ի ռուսական ծառայությունը։
Կենտուկիի նահանգապետ Էնդի Բեշիրն ավելի վաղ հայտնել էր երեք զոհի մասին։
«Կարծում եմ՝ այդ թիվը կաճի։ Յուրաքանչյուր ոք, ով տեսել է տեսանյութը, գիտի, թե որքան սարսափելի էր այս վթարը»,- լրագրողներին ասել է նա։
Reuters-ի հաղորդմամբ՝ օդանավի վթարի հետևանքով օդանավակայանին հարակից արդյունաբերական տարածքում հրդեհներ են բռնկվել։ Օդանավի բեկորները ցրվել են երկու թռիչքուղիների վրա։
Հավայան կղզիներ մեկնող օդանավը բեռնված էր շուրջ 144,000 լիտր վառելիքով։
Լուիսվիլի օդանավակայանը փակվել է օդանավի կործանումից հետո: Կենտուկիի նահանգապետը նշել է, որ ինքնաթիռը չի տեղափոխել որևէ վտանգավոր բեռ, որը կարող է բնապահպանական մտահոգություն առաջացնել։
Թարգմանությունը՝ Էմմա Չոբանյանի
