19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
Դևիդ Բեքհեմին ասպետի կոչում է շնորհվել
04.11.2025 | 19:25
Անգլիայի հավաքականի նախկին ավագ Դևիդ Բեքհեմը ասպետական կոչման է արժանացել բրիտանական հասարակությունում ֆուտբոլի զարգացման գործում ավանդի համար, հաղորդում է BBC-ն։
Բերկշիրում նոյեմբերի 4-ին կայացած արարողության ժամանակ անվանի ֆուտբոլիստին ասպետի կոչում է շնորհել Մեծ Բրիտանիայի թագավոր Կառլ Երրորդը։
«Անչապ հպարտ եմ։ Մարդիկ գիտեն, թե որքան հայրենասեր եմ և ինչպես եմ սիրում իմ երկիրը»,- ասել է Դևիդ Բեքհեմը։
2003 թվականին Դևիդ Բեքհեմը Բրիտանական կայսրության շքանշան էր ստացել ֆուտբոլում ակնառու նվաճումների համար։ 50-ամյա անգլիացին ֆուտբոլիստի կարիերան ավարտել է 2013 թվականին, իսկ այժմ ամերիկյան «Ինտեր Մայամի» ակումբի համասեփականատերն է։ Կարիերայի ընթացքում Բեքհեմը խաղացել է անգլիական «Մանչեսթեր Յունայթեդում», Մադրիդի «Ռեալում», իտալական «Միլանում», ֆրանսիական ՊՍԺ-ում և ամերիկյան «Լոս Անջելես Գելաքսիում»։ Անգլիայի հավաքականի կազմում կիսապաշտպանը 1996-2009թթ․ մասնակցել է 115 խաղի ու խփել 17 գոլ։
