19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Գարիկ Կարապետյանը՝ Եվրոպայի Մ23 չեմպիոն, Պետրոս Պետրոսյանը՝ փոքր ոսկե մեդալակիր․ ՏԵՍԱՆՅՈՒԹ
Հասարակություն
04.11.2025 | 18:15
Գարիկ Կարապետյանը նվաճեց Ալբանիայի Դյուրես քաղաքում ավարտին մոտեցող ծանրամարտի Եվրոպայի մինչև 23 տարեկանների առաջնության 110 կգ քաշային կարգի չեմպիոնի տիտղոսը։
Եվրոպայի կրկնակի չեմպիոն, աշխարհի առաջնության բրոնզե մեդալակիր Կարապետյանի երկամարտի արդյունքն էր 397 կգ (182+215): Կարապետյանը լավագույնն էր նաև պոկում վարժությունում, իսկ հրումում երկրորդն էր։
Այս քաշային կարգում Հայաստանի մյուս ներկայացուցիչ Պետրոս Պետրոսյանը զրո ստացավ պոկում վարժությունում։ Նա 3 անգամ չկարողացավ բարձրացնել 168 կգ։ Հրում վարժությունում Պետրոսյանը բարձրացրեց 221 կգ ու նվաճեց փորք ոսկե մեդալ։
Հայաստանի թիմը Եվրոպայի երիտասարդների և մինչև 23 տարեկանների առաջնություններում ոսկե մեդալների թիվը հասցրեց 6-ի։ Հայաստանի վերջին ներկայացուցիչ Աշոտ Մովսիսյանը գերծանր քաշային կարգում մեդալի համար կպայքարի նոյեմբերի 4-ին։
