22.04.2026 | 22:33
Ովքեր են ԱԺԲ-ի ցանկում. հրապարակվել է ընտրությունների ընտրական ցուցակը
Ինչու է Ալիևը Սևանի փոխարեն օգտագործում Գյոյչա տեղանունը․Երևան ժամանած ադրբեջանցու մեկնաբանությունը․ ՏԵՍԱՆՅՈՒԹ
Քաղաքականություն
04.11.2025 | 13:43
«Օրբելի ֆորում. Կառուցելով խաղաղություն և բազմակողմանի համագործակցություն» խորագիրը կրող համաժողովին ներկա են եղել նաև Ադրբեջանից ժամանած փորձագետներ։ Լրագրողները նրանց հարց են ուղղել Իլհամ Ալիևի վերջին հայտարարությունների վերաբերյալ։
Հիշեցնենք՝ Ադրբեջանի Գիտությունների ազգային ակադեմիայի 80-ամյակին նվիրված միջոցառման ժամանակ Ալիևը հայտարարել է, թե իրենց հարուստ պատմությունը տարիներ շարունակ «խեղաթյուրվել է Հայաստանի և հայկական սփյուռքի կողմից»։ Նշել է, թե այսօրվա Հայաստանի տարածքում գտնվող տեղանունների մեծ մասն ադրբեջանական ծագում ունի։
«Սևանա լիճն այդ քարտեզների վրա չկա։ Գյոյչա լիճը կա, և մեր կողմից օգտագործվող մյուս բոլոր պատմական տեղանուններն այնտեղ արտացոլված են։ Մենք չենք ստեղծել այս քարտեզները, որպեսզի որևէ մեկը ասի՝ մենք խաբում ենք։ Սա արել է Ցարական Ռուսաստանը»,- հայտարարել է Ալիևը։
Ռուսիֆ Հուսեյնովը նշել է, որ հարցը պետք է ուղղել Ադրբեջանի պաշտոնյաներին, սակայն որպես փորձագետ կարծում է օգոստոսի 8-ի համաձայնագիրը հստակ սահմանում է՝ երկրները փոխադարձ ճանաչում են միմյանց տարածքային ամբողջականությունը, սահմանների անխախտելիությունը։
Փորձագետները նշել են, որ ադրբեջանական հասարակությունում դրական են տրամադրված երկուստեք շփումներին։
Մանրամասները՝ տեսանյութում։
Եվգենյա Համբարձումյան
