02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Ռուսական զորքերը հարվածել են Օդեսայի նավահանգստային ու էներգետիկ ենթակառուցվածքներին
Քաղաքականություն
04.11.2025 | 13:57
Ռուսական զորքերը նոյեմբերի լույս 4-ի գիշերը բալիստիկ, զենիթային կառավարվող հրթիռներով և անօդաչու թռչող սարքերով հարձակվել են Ուկրաինայի մի քանի շրջանների վրա: Այս մասին հայտնել է Ուկրաինայի ռազմաօդային ուժերի հրամանատարությունը, գրում է Current timeը։
Ըստ աղբյուրի տվյալների՝ Ռոստովի մարզից արձակվել է մեկ «Իսկանդեր-Մ» բալիստիկ հրթիռ, Կուրսկի մարզից՝ վեց զենիթային կառավարվող C-300 հրթիռ, ինչպես նաև օգտագործվել են 130 «Շահեդ», «Գերբերա» և այլ տեսակի հարվածային անօդաչու թռչող սարքեր։ Ուկրաինայի ռազմաօդային ուժերը հայտնել են, որ 14 վայրերում գրանցվել է հրթիռների ու 31 ԱԹՍ-ների հարված։
Դնեպրոպետրովսկի մարզում Նիկոլայև համայնքում հրթիռային և անօդաչու թռչող սարքի հարվածից զոհվել է 65-ամյա մի կին, ութ անձ՝ այդ թվում՝ երկու երեխա, վիրավորվել են: Տեղական պաշտոնյաների խոսքով՝ հինգ տարեկան մի աղջիկ ծանր վիճակում հիվանդանոցում է։
Դնեպրոպետրովսկի մարզի Նիկոպոլ քաղաքի փրկարարները հայտնել են, որ ռուսական ուժերը դիտավորյալ հարվածել են հիվանդին հոսպիտալացնող շտապօգնության մեքենային: Երեք բուժաշխատողներ վիրավորվել են, սակայն հիվանդը չի տուժել:
Օդեսայի մարզում էլ ռուսական զորքերը զանգվածային հարված են հասցրել էներգետիկ և նավահանգստային ենթակառուցվածքներին, հայտնել է տարածաշրջանային ռազմական վարչակազմի ղեկավար Օլեգ Կիպերը: Հարվածների հետևանքով հրդեհներ են առաջացել: Վնասվել են ճանապարհային ծածկույթները, ինչպես նաև արդյունաբերական օբյեկտներ ու սարքավորումներ։
Թարգմանությունը՝ Էմմա Չոբանյանի
