12.01.2026 | 16:16
ՖԱՖ-ն ամփոփել է տարին, Էդուարդ Սպերցյանը մրցանակի է արժանացել
Ստամբուլում Գազայի հարցով հանդիպում է անցկացվում՝ Թուրքիայի ԱԳ նախարարի մասնակցությամբ
Քաղաքականություն
03.11.2025 | 17:35
Ստամբուլում Գազայի հարցով հանդիպում է մեկնարկել, որը կազմակերպել է Թուրքիայի արտգործնախարար Հաքան Ֆիդանը։ Անադոլու գործակալության փոխանցմամբ՝ այն անցկացվում է Ինդոնեզիայի, Պակիստանի, Սաուդյան Արաբիայի և Հորդանանի արտգործնախարարների, ինչպես նաև Արաբական Միացյալ Էմիրությունների (ԱՄԷ) և Կատարի ներկայացուցիչների մասնակցությամբ։
Թուրքիայի արտգործնախարարության աղբյուրների համաձայն՝ հանդիպման մասնակիցները կքննարկեն Գազայի հատվածում հրադադարի վերաբերյալ վերջին զարգացումները, ինչպես նաև էսկլավում տիրող մարդասիրական իրավիճակը։ Ակնկալվում է, որ Ֆիդանը կշեշտի Իսրայելի կողմից հրադադարը խաթարելու համար կեղծ պատրվակների օգտագործումը և Իսրայելի սադրիչ գործողությունների դեմ վճռական միջազգային դիրքորոշման անհրաժեշտությունը։
Ակնկալվում է, որ Ֆիդանը կընդգծի, որ Գազային բավարար մարդասիրական օգնության անարգել մատակարարումը մարդասիրական և իրավական պարտավորություն է, և կոչ կանի ճնշում գործադրել Իսրայելի վրա: Նա նաև կընդգծի Գազայի անվտանգությունն ու կառավարումը պաղեստինցիների կողմից ապահովող մեխանիզմների արագ ստեղծման անհրաժեշտությունը: Թուրքիայի ԱԳ նախարարը նաև մտադիր է շեշտել պաղեստինցի ժողովրդի օրինական իրավունքների պահպանման և երկու պետությունների լուծման իրականացման կարևորությունը՝ ընդգծելով ՄԱԿ-ի հարթակներում շարունակական խորհրդակցությունների և սերտ համակարգման անհրաժեշտությունը։
Հանդիպմանը մասնակցող երկրները արդեն հանդիպել են սեպտեմբերի 23-ին Նյու Յորքում ՄԱԿ-ի Գլխավոր վեհաժողովի 80-րդ նստաշրջանի շրջանակում՝ առաջնորդների մակարդակով, որին մասնակցել էր նաև ԱՄՆ նախագահ Դոնալդ Թրամփը։
Թարգմանությունը՝ Էմմա Չոբանյանի
