19.08.2026 | 22:13
Երեխային դաստիարակելիս ֆիզիկական բռնությունն անթույլատրելի է․ ՆԳ նախարարությունն իրազեկում է
ՀԱՄԱՍ-ը Իսրայելին ևս երեք պատանդի մարմին է փոխանցել
Քաղաքականություն
03.11.2025 | 15:35
ՀԱՄԱՍ-ը Իսրայելին է հանձնել ևս երեք պատանդի մարմիններ է հանձնել: Նոյեմբերի 2-ի ուշ երեկոյան մարմիններով երեք դագաղ հանձնվել է Գազայի հատվածում գտնվող Կարմիր խաչի միջնորդներին, որից հետո դրանք ուղարկվել են Իսրայել՝ փորձաքննության համար։ Այս մասին գրում է Meduza-ն՝ վկայակոչելով Reutersին։
Իսրայելի ուժերը հայտնել են, որ փորձաքննությունը հաստատել է մահացածների իսկությունը։ Դրանք այժմ կհանձնվեն ընտանիքներին՝ հուղարկավորության համար։
Երեք պատանդներն էլ զինվորականներ են՝ գնդապետ Ասաֆ Համամին, կապիտան Օմեր Նեյտրան և շտաբի սերժանտ Օզ Դանիելը։ Նրանք զոհվել են մարտական գործողությունների ժամանակ՝ 2023 թվականի հոկտեմբերի 7-ին Իսրայելի վրա ահաբեկչական հարձակման օրը, որից հետո նրանց մարմինները տեղափոխվել են Գազա։
Զինադադարի համաձայնագրի շրջանակում ՀԱՄԱՍ-ն ազատ է արձակել խմբի կողմից պահվող ողջ մնացած բոլոր 20 պատանդներին և խոստացել է հանձնել սպանվածների մնացորդները։ Ութի մարմինները դեռևս չեն հանձնվել։
Իր հերթին, Իսրայելն ազատ արձակել է շուրջ 2000 բանտարկյալների՝ ինչպես նախկինում ահաբեկչության համար դատապարտվածների, այնպես էլ մարտական գործողությունների ընթացքում ձերբակալվածների և առանց դատավարության պահվողների, նաև հանձնել 360 պաղեստինցի զինյալների մարմինները։
Իսրայելի և ՀԱՄԱՍ-ի միջև հրադադարն ուժի մեջ է մտել հոկտեմբերի 10-ին։ Երկու կողմերն էլ պարբերաբար միմյանց մեղադրում են խախտումների մեջ։ Իսրայելը շարունակում է սահմանափակ հարվածներ հասցնել Գազայի հատվածին՝ պնդելով, որ դա անում է՝ ի պատասխան իսրայելական զորքերի վրա զինյալների հարձակումների։ ՀԱՄԱՍ-ի կողմից վերահսկվող Գազայի առողջապահության նախարարության տվյալներով՝ խաղաղության համաձայնագրի ստորագրումից ի վեր Իսրայելի ավիահարվածների հետևանքով զոհվել է 236 մարդ։
Թարգմանությունը՝ Էմմա Չոբանյանի
