11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Ռուսական ուժերն Ուկրաինայի վրա 138 ԱԹՍ ու բալիստիկ հրթիռ են արձակել
Քաղաքականություն
03.11.2025 | 12:55
Ռուսաստանի զինված ուժերն Ուկրաինայի վրա արձակել են երեք X-47M2 «Կինժալ» աէրոբալիստիկ հրթիռ, չորս «Իսկանդեր-Մ» բալիստիկ հրթիռ և հինգ C-30 «երկիր-օդ» դասի հրթիռ։ Ուկրաինայի ռազմաօդային ուժերի հաղորդմամբ՝ գրանցվել է նաև 138 գրոհային հարվածային թռչող սարք և այլ տեսակի անօդաչու թռչող սարքեր, գրում է BBCի ռուսական ծառայությունը։
Ըստ Ուկրաինայի զինված ուժերի՝ ՀՕՊ ուժերը խոցել կամ ճնշել են մեկ «Կինժալ» հրթիռ և 114 անօդաչու թռչող սարք: Գրանցվել է նաև հրթիռների և 20 հարվածային անօդաչու թռչող սարքերի հարված 11 վայրերում։
Նոյեմբերի լույս 3-ի գիշերը ռուսական զորքերը հարձակվել են Սումիի շրջանի վրա՝ օգտագործելով հարձակողական անօդաչու թռչող սարքեր: Մարզային ռազմական վարչակազմի ղեկավար Օլեգ Գրիգորովի խոսքով՝ Տրոստյանեց համայնքը ենթարկվել է հարձակման։ Նախնական տեղեկությունների համաձայն՝ մեկ մարդ զոհվել է: Փրկարարները փլատակներից դուրս են բերել ևս երեք մարդու, որոնք ստանում են անհրաժեշտ բժշկական օգնություն։
Գրիգորովը հայտնել է, որ վիրավորվել են մահացածի հարազատները՝ երեք կին և երկու երեխա՝ 2 և 5 տարեկան։
Նա հավելել է, որ հարձակման վայրում որոնողական-փրկարարական գործողություն է ընթանում, մանրամասները պարզվում են:
Բացի այդ, կիրակի երեկոյան ռուսական ուժերը հրթիռային հարված են հասցրել Բորոմլյա համայնքի մի գյուղի: Հարձակման հետևանքով վնասվել են ենթակառուցվածքները և բնակելի շենքեր: Խոշոր հրդեհ է բռնկվել մասնավոր տանը:
Թարգմանությունը՝ Էմմա Չոբանյանի
