12.01.2026 | 12:06
Դատախազությունը պահանջում է Սամվել Կարապետյանին կրկին կալանավայր վերադարձնել
1 մլրդ դրամ՝ 12 ջրամբարի տեխնիկատնտեսական ուսումնասիրության, 5-ի շինարարության համար․ Խուդաթյան․ ՏԵՍԱՆՅՈՒԹ
Տնտեսություն
31.10.2025 | 11:28
Հաջորդ տարի նոր ջրամբարները կկառուցվեն Արագածոտնի, Վայոց ձորի, Գեղարքունիքի և Շիրակի մարզերում, այս մասին ԱԺ մշտական հանձնաժողովների համատեղ նիստում ասաց Տարածքային կառավարման և ենթակառուցվածքների նախարար Դավիթ Խուդաթյանը։
«5 ջրամբարները հանրային ներդրումային կոմիտեի կողմից արժանացել են դրական եզրակացության, նախագծերը պատրաստ են, և 2026 թ-ին կսկսենք Քասախի, Ելփինի, Լիճքի, Արթիկի և Աստղաձորի ջրամբարների շինարարական աշխատանքները»,- մանրամասնեց նա։
Խուդաթյանի խոսքով՝ շարունակվելու է Կապսի ջրամբարի կառուցումը, որի համար 2026 թվականի բյուջեով նախատեսված է 7.7 միլիարդ դրամ։
Նշենք, որ Factor TV-ն անդրադարձել էր Հայաստանում ջրամբարաշինության խնդրին․ ուսումնասիրել էինք, թե Նիկոլ Փաշինյանի կառավարության հնգամյա՝ 2021-2026 թվականների ծրագրով նախատեսված 15 փոքր և միջին ջրամբար կառուցելու խոստման իրականացումն ինչ փուլում է։
Մանրամասները՝ տեսանյութում։
Մանյա Պողոսյան
