18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Քննարկվել են Երևանի և Դուբայի միջև գործակցության հնարավորությունները
Քաղաքականություն
30.10.2025 | 23:29
Երևանի քաղաքապետ Տիգրան Ավինյանը և Դուբայ քաղաքի գործադիր տնօրեն (Director General of Dubai Municipality-խմբ.) Մարվան Ահմեդ Բին Ղալիտան քննարկել են Երևանի և Դուբայի միջև համագործակցության հնարավորությունները՝ հատկապես քաղաքային թվայնացման, նորարար տեխնոլոգիաների և կառավարման արդյունավետությունը բարձրացնելու ոլորտներում։ Այս մասին տեղեկացնում են Երևանի քաղաքապետարանից։
«Երևանի քաղաքապետը նշել է, որ Դուբայի տպավորիչ զարգացումն ու առաջադեմ տեսլականը ոգեշնչող օրինակ են աշխարհի շատ քաղաքների համար։ Տիգրան Ավինյանը նաև համոզմունք է հայտնել, որ երկու քաղաքների գործընկերությունը կնպաստի նոր նախաձեռնությունների իրագործմանը, փորձի փոխանակմանը և քաղաքային զարգացման նոր որակի ձևավորմանը»,- ասված է հաղորդագրությունում։
