Հայաստանը նույնպես բախվում է հիբրիդային սպառնալիքների հսկայական ալիքի. Միրզոյանը՝ Փարիզում

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Հոկտեմբերի 29-ին ՀՀ ԱԳ նախարար Արարատ Միրզոյանը մասնակցել է տեղեկատվության ամբողջականության և անկախ լրատվության վերաբերյալ բարձր մակարդակի միջազգային համաժողովի կլոր-սեղան քննարկմանը։ Այս մասին տեղեկացնում են ՀՀ ԱԳՆ-ից։

Քննարկումն անցկացվել է Փարիզի խաղաղության 8-րդ համաժողովի շրջանակներում, որն այս տարի մեկնարկել է «Խաղաղության, մարդկանց և մոլորակի համար նոր կոալիցիաներ» խորագրի ներքո։

Նախարար Միրզոյանի ելույթի ամբողջական տեքստը ներկայացված է ստորև:

«Հարգելի՛ նախարարներ, հարգելի՛ գործընկերներ,

Նախ և առաջ ցանկանում եմ շնորհակալություն հայտնել նախարար Բարոյին`այս ակտուալ քննարկմանը մասնակցելու հրավերի համար:

Մեր հանդիպումը տեղի է ունենում վճռական ժամանակահատվածում, երբ վստահելի տեղեկատվության հասանելիությունն ու անկախ լրատվությունն առանցքային դեր են խաղում ժողովրդավարական արժեքների առաջմղման գործում, սակայն, միաժամանակ թվային տեխնոլոգիաներն ու արհեստական բանականությունն օգտագործվում են որպես գործիք՝ լայնածավալ կեղծ լուրերի տարածման և ապատեղեկատվական արշավների իրականացման համար՝ անհատների և հասարակությունների թիրախավորման, ատելություն և բռնություն հրահրելու, ինչպես նաև մարդու իրավունքների խախտումները խթանելու նպատակով։

Ինչպես այս ժամանակաշրջանում յուրաքանչյուր ժողովրդավարություն, Հայաստանն, իհարկե, նույնպես բախվում է հիբրիդային սպառնալիքների հսկայական ալիքի, այդ թվում՝ ապատեղեկատվության, մանիպուլյացիայի և օտարերկրյա միջամտությունների։ Սրանք առանձին գործողություններ չեն, դրանք թիրախավորված, համակարգված, թշնամական արշավներ են, որոնք միտված են կոնկրետ նպատակների իրականացմանը՝ ներառյալ ինքնիշխանության և ժողովրդավարական ինստիտուտների նկատմամբ վստահության թուլացումը, համագործակցության և համախոհ գործընկերությունների ձգտումների խաթարումը։

Այս մարտահրավերներին հակազդելը դարձել է առօրյա աշխատանք։ Հենց այստեղ է ի հայտ գալիս բարդ երկընտրանքը և նուրբ սահմանագիծը՝ մի կողմից պաշտպանել խոսքի ազատությունն ու բազմակարծիք լրատվությունը, իսկ մյուս կողմից՝ վճռականորեն հակազդել այն անբարեխիղճ դերակատարներին, որոնք փորձում են չարաշահել ազատությունը և խարխլել հասարակության ու մեր ժողովրդավարության նկատմամբ վստահությունը։ Մենք լիովին գիտակցում ենք, որ այդ փորձերը կավելանան, քանի որ Հայաստանը մոտենում է հաջորդ տարվա խորհրդարանական ընտրություններին։

Այս իրավիճակում ո՞րն է բանալին։ Կարծում եմ՝ ժողովրդավարությունն ինքնին։ Հայաստանում ժողովրդավարությունը պաշտպանելու համար մենք պետք է ապավինենք հենց ժողովրդավարությանը և մեխանիզմներին, որոնք այն ընձեռում է։ Ընդամենը կարող ենք հետ հայացք գցել մեր սեփական փորձին՝ 2021 թվականի քաղաքական ճգնաժամին և դրա հանգուցալուծմանն ուղղված ընտրություններին՝ որպես իմ ասածի ամենաակնառու օրինակ։

Իհարկե, մենք միայնակ չենք կարող հաղթահարել այս մարտահրավերը։ Մենք կառուցել ենք և շարունակաբար աշխատում ենք համախոհ գործընկերությունների ընդլայնման ուղղությամբ, որոնք նպաստում են Հայաստանի դիմակայունությանը։ Դա ներառում է Եվրոպական միության հետ մեր բազմաշերտ գործընկերության խորացումը, ռազմավարական ներգրավվածությունը Ֆրանսիայի, ԵՄ այլ երկրների և այն գործընկերների հետ, որոնք ունեն ամուր ժողովրդավարական ինստիտուտներ։

Տիկնա՛յք և պարոնա՛յք,

Համաձայն «Լրագրողներ առանց սահմանների» կազմակերպության կողմից 2025 թվականին հրապարակված «Մամուլի ազատության համաշխարհային ինդեքսի»՝ Հայաստանը կրկին բարելավել է իր դիրքերը՝ երկրների վարկանիշային աղյուսակում բարձրանալով 9 հորիզոնականով՝ 180 երկրների շարքում 43-րդից դառնալով 34-րդը։

Գիտակցելով առողջ տեղեկատվական էկոհամակարգերի կարևորությունն աշխարհի յուրաքանչյուր անկյունում՝ Հայաստանն առաջնորդող դեր է ստանձնում «Տեղեկատվության և ժողովրդավարության գործընկերության» շրջանակներում՝ միանալով Գործընկերության մասնակից պետությունների խորհրդատվական կոմիտեին, որը հիմնված է մեր նախորդ համագործակցության վրա: Նույն տրամաբանությամբ Հայաստանը միանում է նաև «Հանրային շահերի լրատվամիջոցների միջազգային հիմնադրամին»։

Եզրափակելով՝ ցանկանում եմ կրկին նշել, որ Հայաստանը միանում է «Տեղեկատվական ամբողջականության և անկախ լրատվաթյան համար բազմակողմ գործողությունների վերաբերյալ հռչակագրին»։

Շնորհակալություն»: