18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Որ դեպքում համագործակցություն կհաստատվի Հայաստանի և Պակիստանի խորհրդարանների միջև՝ ըստ Պակիստանի Սենատի նախագահի
Քաղաքականություն
29.10.2025 | 18:36
Պակիստանի Սենատի նախագահ Յուսուֆ Ռեզա Գիլանին ադրբեջանական իշխանական APA գործակալությանը տված հարցազրույցում անդրադարձել է հարցին, թե երբ Պակիստանի և Հայաստանի միջև խորհրդարանական համագործակցության կհաստատվի։
«Մենք համագործակցում ենք Ադրբեջանի և Թուրքիայի հետ, և երկու երկրներն էլ համաձայնել են հարաբերությունները կարգավորել Հայաստանի հետ։ Մեր հարաբերությունները Հայաստանի հետ կախված են Ադրբեջանի և Թուրքիայի հետ Հայաստանի հարաբերություններից։ Ներկայում Հայաստանի և Պակիստանի խորհրդարանների միջև փոխգործակցություն չկա։ Սակայն խաղաղության բանակցությունների ավարտից հետո մենք կքննարկենք այս հարցը»,- նշել է Պակիստանի Սենատի նախագահը։
Հիշեցնենք, որ ՀՀ ԱԳ նախարար Արարատ Միրզոյանը Չինաստանում ՇՀԿ գագաթնաժողովի շրջանակում հանդիպում էր ունեցել Պակիստանի փոխվարչապետ և ԱԳ նախարար Մոհամմադ Իշաք Դարի հետ։ Նրանք Հայաստանի և Պակիստանի միջև դիվանագիտական հարաբերություններ հաստատելու մասին համատեղ կոմյունիկե են ստորագրել։
Թարգմանությունը՝ Էմմա Չոբանյանի
