19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Մովսես Անտոնյանը նշանակվել է Լոռու մարզի դատախազ
Հասարակություն
29.10.2025 | 16:29
Գլխավոր դատախազ Աննա Վարդապետյանի հրամանով Մովսես Անտոնյանը նշանակվել է Լոռու մարզի դատախազ։ Գլխավոր դատախազի հրամանը տեղադրված չէ Դատախազության կայքում, սակայն կայքի «Կառուցվածք» բաժնում, որտեղ ի թիվս այլ տեղեկությունների, մարզի դատախազների անուններն են առկա, «Լոռու մարզի դատախազ» բաժնում նշված է Մովսես Անտոնյանի անունը։ Մեր տեղեկություններով՝ Անտոնյանին մարզի դատախազ նշանակելու հրամանը գլխավոր դատախազը ստորագրել է հոկտեմբերի 10-ին։
Անտոնյանը հանրային մեղադրող է եղել ԶՊՄԿ-ի աշխատակցին սպանած ադրբեջանցու գործով: Ներկայում հանրային մեղադրող է դատավոր Արտուշ Գաբիելյանի, ՆԳ նախկին նախարար Վանո Սիրադեղյանի՝ վերաբացված և մի շարք այլ հնչեղ գործերով։
Արաքս Մամուլյան
