14.05.2026 | 12:52
Հաջիևը՝ ՀՀ-ի հետ հարաբերությունների կարգավորման և խաղաղության ձգտման մասին
Մոռացված խոստումը․ ինչքան կկրճատվի ծառայողական ավտոմեքենաների թիվը 2026-ին
29.10.2025 | 13:53
Պետական համակարգի ծառայողական մեքենաները 2026-ին այս տարվա համեմատ կկրճատվեն 7.7%-ով։ Հաջորդ տարվա բյուջեի նախագծով ծառայողական մեքենաների թիվը նախատեսվել է 639։ Ընդ որում՝ սա չի ներառում ուժային կառույցների՝ պաշտպանության, ներքին գործերի նախարարությունների, ազգային անվտանգության, արտաքին հետախուզության և պետական պահպանության ծառայությունների ծառայողական մեքենաների քանակը։
2026-ին կրճատվելու են 5 մարմինների ավտոմեքենաները՝ վարչապետի աշխատակազմի՝ 8-ով, ՊԵԿ-ի՝ 26-ով, Կրթության տեսչական մարմնի՝ 2-ով, Հարկադիր կատարումն ապահովող ծառայության՝ 4-ով, էկոպարեկային ծառայության՝ 25-ով։
8 կառույցների սպասարկող ավտոմեքենաների թիվը կավելանա՝ ՀՀ նախագահի աշխատակազմ՝ 1-ով, Առողջապահական և աշխատանքի տեսչական մարմին՝ 1-ով, Շուկայի վերահսկողության տեսչական մարմին՝ 3-ով, Սննդամթերքի անվտանգության տեսչական մարմին՝ 3-ով, Պրոբացիայի ծառայություն՝ 1-ով, Միասնական սոցիալական ծառայություն՝ 1-ով, Քաղաքացիական ավիացիայի կոմիտե՝ 3-ով, ՀԾԿՀ՝ 2-ով։
Հիշեցնենք, որ մոտ 10 տարի առաջ, այն ժամանակ ընդդիմադիր պատգամավոր Նիկոլ Փաշինյանը պնդում էր, թե Հայաստանում պետք է 30-35 ծառայողական ավտոմեքենա լինի՝ հատուկ պահպանության ենթակա պաշտոնյաների համար։ Ստացվում է՝ 2026-ին՝ Փաշինյանի իշխանության 9-րդ տարում, պետական համակարգին սպասարկող ծառայողականները մոտ 20 անգամ ավելի կլինեն։
Գայանե Խաչատրյան
