20.05.2026 | 10:16
Նարեկ Կարապետյանը շարունակում է պնդել, որ միայն ՀՀ քաղաքացի է
Անհետ կորած 3-ամյա տղայի եղբորն ուղեկցեցին լոգոպեդի մոտ
Հասարակություն
28.10.2025 | 16:35
Գեղարքունիքի Ծափաթաղ բնակավայրում երեկ կեսօրից հետո անհետ կորած 3-ամյա Տիգրան Օվանեսովի որոնողական աշխատանքները շարունակվում են: Factor.am-ին Ծափաթաղում պատմել են, որ 3-ամյա տղան եղբոր հետ գնացել է խաղալու, բայց եղբայրը վերադարձել է, իսկ Տիգրանը՝ ոչ:
Քիչ առաջ մենք արձանագրեցինք, որ Տիգրանի եղբորը ոստիկաններն ուղեկցեցին լոգոպեդի մոտ, քանի որ նա խոսքի խնդիր ունի:
ՆԳՆ ՓԾ պետ Կամո Ցուցուլյանը Factor.am-ին հայտնեց, որ որոնողական աշխատանքների արդյունքում դեռ որևէ հետք չի հայտնաբերվել:
Նշենք, որ 3-ամյա Տիգրան Օվանեսովի որոնողական աշխատանքներում ներգրավված են ՆԳՆ Քրեական ոստիկանության գլխավոր վարչության, Գեղարքունիքի մարզային վարչության և մարզի Համայնքային ոստիկանության հինգ բաժիններից՝ շուրջ 150, և Փրկարար ծառայությունից՝ 150 ծառայող, ինչպես նաև՝ կինոլոգներ։ Օգտագործվում են անօդաչու թռչող սարքեր և տեխնիկական այլ միջոցներ։ Փրկարարներին օգնում են նաև Ծափաթաղի և հարակից գյուղերի բնակիչները: Քննչական կոմիտեն սպանության հոդվածով քրեական վարույթ է նախաձեռնել:
Արփի Հակոբյան
