02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Չեռնոգորիայում անկարգություններից հետո Թուրքիայի և Ադրբեջանի տասնյակ քաղաքացիներ են ձերբակալվել․ կառավարությունը հայտարարել է Թուրքիայի հետ առանց վիզայի ռեժիմի դադարեցման մասին
Քաղաքականություն
27.10.2025 | 17:52
Չեռնոգորիայի ոստիկանությունը ձերբակալել է Թուրքիայի և Ադրբեջանի տասնյակ քաղաքացիների հոկտեմբերի 26-ին տեղի ունեցած զանգվածային անկարգություններից հետո, հաղորդում է Reuters-ը, փոխանցում է The Insider-ը։
Հակաթուրքական բողոքի ցույցերը սկսվել են այն բանից հետո, երբ Պոդգորիցայում տեղի բնակիչ է դանակահարվել օտարերկրացիների խմբի հետ վիճաբանության արդյունքում: Հարձակման կասկածանքով ձերբակալվել է երկու անձ՝ Թուրքիայի և Ադրբեջանի քաղաքացիներ:
Չեռնոգորիայի վարչապետ Միլոյկո Սպայիչը հայտարարել է, որ կառավարությունը ժամանակավորապես կդադարեցնի Թուրքիայի քաղաքացիների համար առանց վիզայի ռեժիմը։
Reuters-ը նշում է, որ կիրակի տասնյակ չեռնոգորցիներ դուրս են եկել փողոցներ՝ ջարդելով թուրքական համարանիշներով մեքենաներ և հարձակվելով թուրքերի խմբի վրա: Հետագայում ոստիկանությունը ձերբակալել է Չեռնոգորիայում անօրինական գտնվելու մեջ կասկածվող Թուրքիայի և Ադրբեջանի 45 քաղաքացիների: Ոստիկանության հայտարարության մեջ նշվում է, որ ձերբակալվածներից յոթը տուգանվել են, իսկ ութին հրամայվել է լքել երկիրը։
Չեռնոգորիայի ՆԳՆ-ի տվյալներով՝ երկրում մշտապես կամ ժամանակավորապես գրանցված է մոտավորապես 100,000 օտարերկրյա քաղաքացի, այդ թվում՝ 13,000 թուրք (Չեռնոգորիայի բնակչությունը կազմում է 620,000-ից մի փոքր ավելի):
Թարգմանությունը՝ Էմմա Չոբանյանի
