19.05.2026 | 11:42
Սոնա Մնացականյանի մահվան գործով դատավճիռը մնաց ուժի մեջ. Վերաքննիչ դատարանը մերժեց բողոքը
Ուկրաինան ՌԴ-ի ուղղությամբ շուրջ 200 ԱԹՍ է արձակել․ Մոսկվայի վրա ավելի քան 30 ԱԹՍ է խոցվել
Քաղաքականություն
27.10.2025 | 10:41
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ռուսական ՀՕՊ ուժերը հոկտեմբերի 26-ի երեկոյցից մինչև 27-ի առավոտ ոչնչացրել են Մոսկվա թռչող առնվազն 34 անօդաչու թռչող սարք։ Այս մասին հայտարարել է Մոսկվայի քաղաքապետ Սերգեյ Սոբյանինը, գրում է Meduza-ն։
Հարձակման հետևանքով վնասների կամ տուժածների մասին տեղեկություններ չեն հաղորդվում։ Մոսկվայի «Դոմոդեդովո» և «Ժուկովսկի» օդանավակայանները գիշերը ժամանակավորապես փակվել են։ Առավոտյան սահմանափակումները վերացվել են։ Հարձակումներից տուժած այլ շրջանների օդանավակայաններ նույնպես փակվել են։
Astra տելեգրամ ալիքը նշում է, որ Նոր Մոսկվայի Կոմունարկա շրջանում անօդաչու թռչող սարքերի հարձակումների ժամանակ պայթյուններ են տեղի ունեցել, որից հետո անտառածածկ տարածքում ծուխ է երևացել։
Ռուսաստանի պաշտպանության նախարարությունը հայտնել է, որ, ընդհանուր առմամբ, ՀՕՊ ուժերը գիշերը որսացել և ոչնչացրել են 193 ուկրաինական անօդաչու թռչող սարք: 47 անօդաչու թռչող սարք հարձակվել է Բրյանսկի մարզի, 42-ը՝ Կալուգայի մարզի, իսկ 40-ը՝ Մոսկվայի մարզի վրա: Անօդաչուներ են նկատվել նաև 10 այլ շրջաններում, այդ թվում՝ Ուկրաինային սահմանակից բոլոր շրջաններում։
Բրյանսկի մարզում, նահանգապետ Ալեքսանդր Բոգոմազի հաղորդմամբ, Պոգարսկի շրջանի Պոգար գյուղում կամիկաձե անօդաչու թռչող սարքը հարձակվել է խաղաղ բնակիչներ տեղափոխող միկրոավտոբուսի վրա։ Վարորդը զոհվել է, իսկ հինգ ուղևոր՝ վիրավորվել։
Բելգորոդի մարզում, որտեղ անօդաչու թռչող սարքերի հարձակումները շարունակվել են նախորդ օրը, մեկ մարդ զոհվել է Ռակիտյանսկի շրջանում: Նահանգապետ Վյաչեսլավ Գլադկովը նշել է, որ վիրավորվել է 23 քաղաքացիական անձ, այդ թվում՝ երեք երեխա:
Թարգմանությունը՝ Էմմա Չոբանյանի
