11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թրամփը ստորագրել է Թայլանդի և Կամբոջայի «խաղաղության գործարքը»
Քաղաքականություն
26.10.2025 | 19:25
Թաիլանդի և Կամբոջայի վարչապետներ Անութհին Չանվիարակունը և Հուն Մանեթը կիրակի՝ հոկտեմբերի 26-ին, ստորագրել են «խաղաղության գործարք»։ ԱՄՆ նախագահ Դոնալդ Թրամփն էլ իր ստորագրությունն է դրել փաստաթղթի տակ Կուալա Լումպուրում, որտեղ անցկացվում է Հարավարևելյան Ասիայի երկրների ասոցիացիայի գագաթնաժողովը, փոխանցում է DW-ն։
Չորրորդ ստորագրությունը դրել է Մալայզիայի վարչապետ Անվար Իբրահիմը, ով այս տարի նախագահում է գագաթնաժողովը, հաղորդել է AFP գործակալությունը։
«Սա նշանակալի օր է Հարավարևելյան Ասիայի բոլոր բնակիչների համար, քանի որ մենք ստորագրում ենք պատմական համաձայնագիր Կամբոջայի և Թաիլանդի միջև ռազմական հակամարտության դադարեցման մասին»,-հայտարարել է Թրամփը։
Թաիլանդն ու Կամբոջան արդեն ավելի քան մեկ դար է վիճում են ավելի քան 800 կմ երկարությամբ սահմանի շուրջ, ինչը մի քանի անգամ վերածվել է ռազմական բախումների։ Վեճի կենտրոնում է հինդուական Պրեա Վիհեա տաճարի համալիրն ու հարակից տարածքները։ Իրավիճակը սրվել է 2025 թ. մայիսին՝ Կամբոջայի մի զինծառայողի զոհվելուց հետո։ Թաիլանդը Կամբոջային մեղադրում է վիճելի տարածքում ականների տեղադրման համար։
