28.04.2026 | 23:24
Երևանում երթևեկության փոփոխություն կկատարվի
ԱՄՆ-ի և Չինաստանի նախագահները մտադիր են անդրադառնալ Թայվանի խնդրին
Քաղաքականություն
25.10.2025 | 15:05
ԱՄՆ նախագահ Դոնալդ Թրամփը մտադիր է հոկտեմբերի 30-ին Հարավային Կորեայում Չինաստանի նախագահ Սի Ծինպինի հետ կայանալիք հանդիպմանը բարձրացնել Թայվանին վերաբերող հարցերը. գրում է ՏԱՍՍ-ը։
«Ես կխոսեմ Թայվանի մասին։ Այնտեղ չեմ գնա, բայց կխոսեմ դրա մասին», – նշել է Թրամփը լրագրողների հետ հանդիպմանը՝ իր շրջագայության մեկնարկից առաջ, որը կներառի այցելություններ Մալայզիա, Ճապոնիա և Կորեայի Հանրապետություն։ «Ես մեծ հարգանք ունեմ Թայվանի նկատմամբ», – հավելել է Թրամփը։
Նրա խոսքով՝ շատ բան ունեն քննարկելու նախագահ Սի Ծինպինի հետ։ «Նա ևս շատ բան ունի քննարկելու մեզ հետ։ Կարծում եմ՝ լավ հանդիպում կլինի», -ասել է Թրամփը։
ԱՄՆ նախագահը բացել է փակագծերը՝ նշելով, որ անդրադառնալու են նաև ամերիկյան գյուղատնտեսական արտադրանքի՝ Չինաստան մատակարարման հետ կապված հարցերի։
