18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ֆրանսիան Aster հրթիռների և Mirage կործանիչների լրացուցիչ խմբաքանակ կմատակարարի Ուկրաինային
Քաղաքականություն
24.10.2025 | 22:42
Ֆրանսիան առաջիկա օրերին Ուկրաինային լրացուցիչ կհատկացնի Aster հրթիռներ և Mirage կործանիչներ: «Արմենպրես»-ի հաղորդմամբ՝ «կամեցողների կոալիցիայի» հերթական հանդիպման ժամանակ այս մասին հայտարարել է Ֆրանսիայի նախագահ Էմանուել Մակրոնը:
«Ուզում եմ հաստատել, որ առաջիկա օրերին լրացուցիչ կմատակարարենք Aster հրթիռներ, ուսուցման նոր ծրագրեր և նոր Mirage կործանիչներ: Մենք, մի քանի այլ գործընկերների հետ միասին, կհաստատենք որոշ լրացուցիչ նախաձեռնություններ»,- նշել է Մակրոնը հանդիպման ժամանակ, որի վերաբերյալ տեսանյութը հրապարակվել է սոցիալական ցանցում Ելիսեյան պալատի էջում։
Մակրոնը չի մանրամասնել, թե որոնք են լինելու լրացուցիչ նախաձեռնությունները։
