10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
Մեծ Բրիտանիայի թագավորը Վինձորի ամրոցում ընդունել է Վլադիմիր Զելենսկիին
Քաղաքականություն
24.10.2025 | 16:23
Ուկրաինայի նախագահ Վլադիմիր Զելենսկին ժամանել է Մեծ Բրիտանից։ Վինձորի ամրոցում նրան ընդունել է Չարլզ III թագավորը, գրում է Европейская правда-ն։
Զելենսկիին դիմավորել են թագավորական ողջույնով, և երբ նա մտել է ամրոցի բակ, հնչել է Ուկրաինայի հիմնը։
Թագավորի հետ հանդիպումից հետո Զելենսկին կմեկնի Դաունինգ սթրիթ՝ Մեծ Բրիտանիայի վարչապետ Քիր Սթարմերի հետ հանդիպման։
«Կամավորների կոալիցիայի» հիբրիդային հանդիպումը նախատեսված է այսօր կեսօրին Լոնդոնում։ Հանդիպման նախօրեին նախագահ Զելենսկին հայտարարել էր, որ իր դիրքորոշումները համաձայնեցրել է Ֆրանսիայի նախագահ Էմանուել Մակրոնի հետ Բրյուսելում ԵՄ առաջնորդների գագաթնաժողովի շրջանակում կայացած հանդիպման ժամանակ։
Հիշեցնենք, որ սեպտեմբերի սկզբին կոալիցիայի վերջին հանդիպմանը մասնակցել էին Եվրոպայի և աշխարհի այլ մասերի ավելի քան 30 երկրների ներկայացուցիչներ։
Թարգմանությունը՝ Էմմա Չոբանյանի
