08.06.2026 | 15:04
Համայնքապետերի ներկայությունից մինչև ընտրողների տեղափոխման դեպք․ «Ականատես»-ի արձանագրած խախտումները․ ՏԵՍԱՆՅՈՒԹ
Վաշինգտոնում ստորագրված համաձայնագիրը լավ հնարավորություններ է բացում բոլորի համար. ԱՄՆ-ում Բաքվի դեսպան
24.10.2025 | 15:15
Օգոստոսին Վաշինգտոնում ստորագրված համաձայնագիրը աննախադեպ առաջընթաց է, այն պատմական նշանակություն ունի և լավ հնարավորություններ է բացում բոլորի համար։ Այս մասին հայտարարել է ԱՄՆ-ում Ադրբեջանի դեսպան Խազար Իբրահիմը՝ Վաշինգտոնում «Միացյալ Նահանգները Հարավային Կովկասում. նոր ռազմավարական հնարավորությունների բացահայտում» խորագրով համաժողովում ելույթ ունենալիս, գրում են ադրբեջանական լրատվամիջոցները։
Նա նշել է, որ Ադրբեջանն առավելագույնս կօգտագործի և առաջ կմղի այդ ներուժը։
«Ադրբեջանի նախագահը վերացրել է մեր երկրի տարածքով Հայաստան բեռների տարանցման սահմանափակումները։ Կարծում եմ՝ Հայաստանի վարչապետ Փաշինյանը նույնպես բարձր է գնահատել դա, և հավանական է, որ այս ուղղությամբ կձեռնարկվեն համատեղ գործողություններ։ 1990-ականների սկզբին մեր քննարկումների ժամանակ մենք փորձում էինք հասկացնել, որ եթե միասին գործենք, դա բոլորիս օգուտ կբերի։ Սակայն դա տեղի չունեցավ։ Միայն հիմա է դա դարձել իրականություն։ Ադրբեջանը, Միացյալ Նահանգների և մի շարք այլ գործընկերների զգալի աջակցությամբ, հասել է նրան, որ երկու երկրները գործեն միասին»,- նշել է Ադրբեջանի դեսպանը։
Թարգմանությունը՝ Էմմա Չոբանյանի
