09.03.2026 | 23:38
Պուտինն ու Թրամփը հեռախոսազրույց են ունեցել
Մերձմոսկովյան Կրասնոգորսկում ԱԹՍ-ն մխրճվել է բնակելի շենքի մեջ. հինգ մարդ վիրավորվել է. ՏԵՍԱՆՅՈՒԹ
Քաղաքականություն
24.10.2025 | 11:04
Մոսկվայի մարզի Կրասնոգորսկ քաղաքում անօդաչու թռչող սարքը մխրճվել է Տիեզերագնացների բուլվարում գտնվող բարձրահարկ բնակելի շենքի 14-րդ հարկի բնակարանի մեջ։ Այս մասին հայտնել է Մոսկվայի մարզի նահանգապետ Անդրեյ Վորոբյովը, գրում է Meduza-ն։
Վիրավորվել է հինգ մարդ, այդ թվում՝ մեկ երեխա։ Տուժածներից չորսը տեղափոխվել են հիվանդանոցներ. մեծահասակները՝ գանգուղեղային վնասվածքներով, կոտրվածքներով և բեկորային վերքերով, իսկ երեխան՝ թեթև վնասվածքներով։ Շենքից տարհանվել է 70 մարդ, վնասվել է երեք բնակարան։
ՌԴ ՊՆ-ն հայտնել է, որ ՀՕՊ ուժերը գիշերը Ռուսաստանի 13 շրջաններում որսացել և ոչնչացրել են ուկրաինական 111 անօդաչու թռչող սարք։ Ռոստովի մարզում որսացել են 34 ԱԹՍ, Բրյանսկի մարզում՝ 25 և Մոսկվայի մարզում՝ մեկը։
Ռոստովի մարզի Նովոշախտինսկ քաղաքում անօդաչու թռչող սարքի հարձակման հետևանքով բռնկված հրդեհից բնակելի շենքերը, մանկապարտեզը և տեխնիկումը մնացել են առանց էլեկտրաէներգիայի։ Տուժածներ չկան, հայտնել է մարզի նահանգապետ Յուրի Սլյուսարը։
Թարգմանությունը՝ Էմմա Չոբանյանի
