08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
ԿԳՄՍ նախարարը ուսուցիչների հետ քննարկել է ոլորտային մի շարք հարցեր
Հասարակություն
23.10.2025 | 19:10
ՀՀ կրթության, գիտության, մշակույթի և սպորտի նախարար Ժաննա Անդրեասյանը հերթական հանդիպումն է ունեցել ուսուցիչների հետ՝ քննարկելու ոլորտային խնդիրներն ու նրանց դիտարկումները: Այս մասին տեղեկացնում են ԿԳՄՍՆ-ից:
Մանկավարժներին մտահոգող հիմնական թեմաները վերաբերել են ուսումնական հաստատություններում ժամաքանակի բաշխման սկզբունքներին, երկարօրյա ուսուցման կազմակերպմանը, ազգային փոքրամասնությունների ներկայացուցիչ մանկավարժ-խմբակավարների գործունեության առանձնահատկություններին, դասաժամերի քանակին և այլն:
Մանկավարժները հայտնել են, որ մասնակցել են կամավոր ատեստավորմանը և գրանցել են բարձր արդյունքներ:
Նախարարը շնորհակալություն է հայտնել մանկավարժներին կատարած աշխատանքի համար և պատրաստակամություն հայտնել նրանց հուզող հարցերը քննարկել վերջիններիս աշխատավայր հանդիսացող դպրոցներում:
Նշենք, որ ուսուցիչների հետ հանդիպման գործընթացը լինելու է շարունակական՝ յուրաքանչյուր հինգշաբթի: Ընդունելությանը մասնակցելու համար անհրաժեշտ է հերթագրվել՝ լրացնելով դիմում-հայտ կից հղմամբ:
