12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Էստոնիան բարձր է գնահատում «ՀՀ-ի խաղաղության առաջմղման Ադրբեջանի ջանքերը»
Քաղաքականություն
23.10.2025 | 18:24
Էստոնիայի ԱԳ նախարար Մարգուս Ցահքնան ադրբեջանական իշխանամերձ APA գործակալության հետ զրույցում հայտարարել է, որ բարձր են գնահատում «Ադրբեջանի ջանքերը՝ Հայաստանի հետ խաղաղության գործընթացն առաջ մղելու հարցում»։
«Էստոնիան վճռականորեն աջակցում է Հարավային Կովկասում խաղաղությանը և կայուն համագործակցությանը նպաստող բոլոր նախաձեռնություններին: Մենք ողջունում ենք Ադրբեջանի ջանքերը՝ Հայաստանի հետ խաղաղության գործընթացն առաջ մղելու հարցում: Այս օգոստոսին Վաշինգտոնում ստորագրված համատեղ հայտարարությունը դրական ազդանշան է, որը ցույց է տալիս երկու կողմերի հանձնառությունը հարաբերությունների կարգավորմանը և բարիդրացիական հարաբերություններին»,- ասել է նա։
Պաշտոնյան հավելել է՝ Էստոնիան հույս ունի, որ այս դինամիկան կշարունակվի՝ հանգեցնելով Վաշինգտոնյան համաձայնագրերի իրականացմանը, տրանսպորտային ուղիների բացմանը և երկարաժամկետ խաղաղության համաձայնագրի ստորագրմանը:
«ԵՄ շրջանակում, այդ թվում՝ TRIPP նախաձեռնության միջոցով, Էստոնիան աջակցում է կապակցման բարելավման նախագծերին, ենթակառուցվածքային օգնությանը և վստահության ամրապնդման գործողություններին, որոնք կարող են ամրապնդել խաղաղությունը»,- հայտարարել է Էստոնիայի ԱԳ նախարարը։
Նա նաև նշել է, որ Էստոնիան պատրաստվում է Ադրբեջանում դեսպանատուն բացել, քանի որ Բաքուն կարևոր գործընկեր է Հարավային Կովկասում՝ ինչպես Էստոնիայի, այնպես էլ ԵՄ-ի համար։
Հավելենք, որ նախօրեին Ցահքնան Բաքվում հանդիպել էր Ադրբեջանի նախագահ Իլհամ Ալիևին ու ԱԳ նախարար Ջեյհուն Բայրամովին։
Թարգմանությունը՝ Էմմա Չոբանյանի
