11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
ՌԴ ՊՆ-ն հայտնել է 139 ԱԹՍ-ների խոցման մասին․ Ռյազանի գործարանում հրդեհ է բռնկվել
Քաղաքականություն
23.10.2025 | 14:16
ՌԴ Ռյազանի մարզի նահանգապետ Պավել Մալկովը հայտնել է, որ ուկրաինական անօդաչու թռչող սարքերի բեկորները հրդեհ են առաջացրել մարզի ձեռնարկություններից մեկում։ Նախնական տեղեկությունների համաձայն՝ տուժածներ չկան, գրում է Meduza-ն։
Astra տելեգրամ ալիքը, հղում անելով տեղի բնակիչներին, հայտնել է, որ Ռյազանի նավթավերամշակման գործարանն է հարվածի ենթարկվել: Գործարան մուտքը փակվել է:
Ռուսաստանի Պաշտպանության նախարարությունը հայտնել է, որ հոկտեմբերի լույս 23-ի գիշերը ՀՕՊ ուժերը ոչնչացրել կամ որսացել են ուկրաինական 139 անօդաչու թռչող սարք, այդ թվում՝ 22 անօդաչու թռչող սարք Բելգորոդի մարզի, 21-ը՝ Վորոնեժի մարզի, 14-ը՝ Ռյազանի մարզի և 13-ը՝ Ռոստովի մարզի վրա։ Բրյանսկի մարզում անօդաչու թռչող սարքի հարվածի հետևանքով զոհվել է մեկ կին։ Նահանգապետ Ալեքսանդր Բոգոմազի խոսքով՝ Կլիմովսկի շրջանի Նովյե Յուրկովիչի գյուղում անօդաչու թռչող սարքը հարվածել է շարժվող քաղաքացիական մեքենայի։ Մեքենան վարող կինը զոհվել է։
Բելգորոդի մարզի Կուկուևկա գյուղում մարդատար մեքենայի վրա անօդաչու թռչող սարքի հարձակման հետևանքով զոհվել է մեկ տղամարդ, ասել է նահանգապետ Վյաչեսլավ Գլադկովը։ Երկու վիրավոր կա։
Ուկրաինական անօդաչու թռչող սարքերը պարբերաբար հարվածներ են հասցնում Ռուսաստանի նավթավերամշակման գործարաններին և այլ վառելիքաէներգետիկ օբյեկտներին, որոնք հաճախ ստիպված են լինում դադարեցնել գործունեությունը այդ հարձակումների պատճառով: Անօդաչուների հարձակումների հետևանքով նավթավերամշակման գործարանների աշխատանքի դադարեցումը Ռուսաստանում վառելիքի պակասի պատճառներից մեկն է:
Թարգմանությունը՝ Էմմա Չոբանյանի
