31.10.2026 | 22:55
Հայտնաբերվել է զինծառայողի դի. ՊՆ
Չեյլաբինսկում «Ռոստեխ»-ի ռազմական գործարանում պայթյուն է տեղի ունեցել․ զոհեր կան
Քաղաքականություն
23.10.2025 | 12:03
ՌԴ Չելյաբինսկի մարզի նահանգապետ Ալեքսեյ Տեքսլերը հոկտեմբերի 22-ի ուշ երեկոյան հայտնել է, որ Կոպեյսկի գործարանում պայթյուն է տեղի ունեցել։ Ավելի ուշ նա հայտնել է նույն գործարանում ևս մեկ պայթյունի և հրդեհի մասին։ Նահանգապետի խոսքով՝ ինը մարդ զոհվել է, հինգը՝ ծանր վիճակում հոսպիտալացվել, գրում է Forbes.ru-ն։
«Այս պահին անօդաչու թռչող սարքի ներխուժման վարկածը հաստատված չէ»,- գրել է նահանգապետը:
Նա պարզաբանել է, որ երկրորդ պայթյունը տեղի է ունեցել «հրդեհի օջախում»: Տեքսլերի խոսքով՝ ծանր վիրավորները տեղափոխվել են տեղի հիվանդանոցներ, մահացածների թիվը հստակեցնում է։ Նա վստահեցրել է, որ քաղաքացիական օբյեկտների կամ Կոպեյսկի բնակիչների համար սպառնալիք չկա։
Ավելի ուշ Ալեքսեյ Տեքսլերը թարմացված տվյալներ է ներկայացրել՝ նշելով, որ զոհերի թիվը հասել է 10-ի։
Տեղական «Курс дела» լրատվականի տվյալներով՝ պայթյունները տեղի են ունեցել Կոպեյսկի «Պլաստմասս» գործարանում, դրա տարածքը շրջափակված է ոստիկանության կողմից։
Գործարանը «Ռոստեխ»-ի մաս է կազմում։ Այն մասնագիտանում է պայթուցիկ նյութերի և զինամթերքի արտադրության մեջ, ինչպես նաև ոչնչացնում է ժամկետանց զինամթերքը։
Թարգմանությունը՝ Էմմա Չոբանյանի
